Jyl basyndaǵy jıynda memlekettik qyzmet jáne sybaılas jemqorlyqqa qarsy is-qımyl týraly zańnamalardyń saqtalýy, Ádep kodeksine kereǵar keletin jaılardy boldyrmaý baǵytyndaǵy sharalar jóninde oblystyq bilim salasyndaǵy baqylaý departamentiniń basshysy Ǵalııa Dáýletova men jerdiń paıdalanylýy men qorǵalýyn baqylaý basqarmasynyń jetekshisi Qaırat Toǵyzbaev esep berdi. Oblys ákimi apparatynyń Ádep jónindegi ýákili Hamıt Tarbaqovtyń habarlamasynan keıin keńes tóraǵasy Nurman Talqanbaev memlekettiń qyzmetshilerdiń etekbasty eski ádetten áli de aryla almaı kele jatqanyn basa aıtty.
Otyrysta oblystyq ákimdik tarapynan qyzmettik kólikter qozǵalysyna monıtorıng jasalmaıtyny sóz boldy. Qyzmettik kólikter jumystan tys ýaqytta, tipti demalys kúnderi de kóshede júıtkip júredi. Qazir ekiniń biri kez kelgen máseleni áleýmettik jelige júkteıtini belgili ǵoı. Mysaly, Memlekettik qyzmet isteri agenttiginiń Qyzylorda oblysy boıynsha departamenti jergilikti turǵynnyń 2019 jyldyń 30 jeltoqsanynda Feısbýk jelisine salǵan osyndaı jazbasyna dáıekti pikir-jaýap bildirý jóninde oblys ákimi apparatyna usynys joldaǵan. Biraq, araǵa aı ótse de ákim apparaty áli únsiz otyr.
Osyǵan deıin memlekettik qyzmetkerlerdiń jumys ýaqytyn retteý týraly birshama jaqsy bastama qolǵa alynǵany belgili. Biraq solardyń ózi jetkilikti dárejede júzege aspaı jatyr. Osyǵan baılanysty Ádep jónindegi ýákilge túrli usynys aıtyldy.
Oblys ákimdiginiń is basqarmasynyń málimetterinde ótken jylǵy jeltoqsan, bıylǵy qańtar aılarynda basqarmalar tarapynan qyzmettik avtokólikterdi senbi-jeksenbi, mereke kúnderi qyzmettik qajettilikke baılanysty jumysqa shyǵarý týraly 142 ótinim túskendigi kórsetilgen. Bul memlekettik qyzmetkerlerdiń demalys kúnderi artyq jumys isteıtindiginiń dáleli. Mundaı jaǵdaıda qyzmetkerlerge tıisinshe jalaqysy tólenýi tıis. Sondaı-aq, basqarmalardyń bas-basyna avtokólik bólmeı, barlyǵy paıdalanatyn kezekshi bir-eki kólik bekitýdi usynamyn. Osy jumystardy Ádep jónindegi ýákil retinde baqylaýyńyzǵa alýyńyzdy suraımyn, - dedi keńes tóraǵasy N. Talqanbaev.
Sonymen birge, oblystyq basqarmalardyń basym kópshiliginde memlekettik qyzmetshilerdiń jumysqa kirip-shyǵýyn baqylaıtyn júıe ornatylǵan. Biraq, oblystyq jumyspen qamtýdy úılestirý jáne áleýmettik baǵdarlamalar jáne eńbek salasyndaǵy baqylaý basqarmalarynda ornatylǵan osyndaı júıe iske qosylmaı tur. Júrgizilgen monıtorıng ótken jyldyń qarasha aıynda jergilikti atqarýshy organdar qyzmetkerleri 38 saǵat artyq jumys istegenin kórsetken. Al jeltoqsan aıynda ol 46 saǵatqa jetken.
Keńes qorytyndysynda oblys ákimi apparatyna talqylanǵan máselelerdi retteý, zańsyz syılyq alý, qoǵamdyq oryndarda moraldyq-etıkalyq normalardy buzý sekildi faktilerdi boldyrmaý, jergilikti atqarýshy organdar qyzmetkerlerine qatysty áleýmettik jelilerde jarııalanǵan jaǵymsyz sıpattaǵy jarııalanymdarǵa monıtorıng júrgizip, der kezinde tıisti sharalar qabyldaý usynyldy.
