Qazaqstan • 31 Qańtar, 2020

«Digital Almaty: Jahandyq ekonomıkanyń sıfrlyq bolashaǵy» halyqaralyq forýmy bastaldy

35 retkórsetildi

Ritz-Carlton Almaty qonaq úıinde «Digital Almaty: Jahandyq ekonomıkanyń sıfrlyq bolashaǵy» halyqaralyq forýmy  jumysyn bastady.

Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstrligi uıymdastyryp otyrǵan halyqaralyq forýmǵa Qazaqstan Respýblıkasy Premer-mınıstri A.Mamın,  Sıfrlyq damý, Qorǵanys jáne aeroǵarysh ónerkásibi mınıstri Asqar Jumaǵalıev, Reseı Federasııasy Úkimetiniń basshysy M.V.Mıshýstın, Belarýs Respýblıkasynyń Premer-mınıstri S.N.Rýmas, Moldova Respýblıkasynyń Premer-mınıstri I.V. Kıký, Armenııa Premer-mınıstriniń Birinshi orynbasary M. Grıgorıan, Qyrǵyz Respýblıkasynyń  Premer-mınıstriniń Birinshi orynbasary J.P.Razakov, Eýrazııa Ekonomıkalyq komıssııasy Kollegııa tóraǵasy  T.S. Sarkısıan, BUU  Bas hatshysynyń orynbasary F.Hohshıld, Ulybrıtanııa memlekettik sıfrlyq qyzmetiniń dırektory Krıs  Fergıýson, Amazon Web Services transformasııa boıynsha dırektory  L.Maksvella, 01 Edu System eýropalyq bilim platformasynyń negizin qalaýshy N.Sadırak, Syrtqy ister mınıstrligi men Almaty qalasy ákimdiginiń ókilderi jáne saıası kóshbasshylar, jetekshi CEO, IT salasyndaǵy halyqaralyq sarapshylar qatysýda.

Forýmnyń moderatory Ortalyq Azııa, Ázirbaıjan, Monǵolııa boıynsha aımaqtyq dırektory Andreı Beklemıshev   BUU  Bas hatshysynyń orynbasary F.Hohshıld, Ulybrıtanııa memlekettik sıfrlyq qyzmetiniń dırektory Krıs  Fergıýson, Amazon Web Services transformasııa boıynsha dırektory  L.Maksvella,  01 Edu System eýropalyq bilim platformasynyń negizin qalaýshy N.Sadırakpen negizgi forým jumysyna deıin az-kem pikir almasyp ótti.

Ary qaraı forýmda baǵdarlamasyna sáıkes  jasandy ıntellekt negizinde óńirdiń turaqty damýyn qurý joldary talqylanatyn bolady. Sonymen qatar Qazaqstan, Armenııa, Belorýssııa, Qyrǵyzstan jáne Reseı, sondaı-aq Moldova Premer-mınıstrleriniń qatysýymen ótetin plenarlyq sessııada jasandy ıntellekt pen úlken málimetter salasynda koalısııany qurý jáne ózara is-qımyl jasaý joldaryn, ınfraqurylymdy qurý jáne tehnologııalardy ilgeriletý qajettiligi talqylanady.

Forým baǵdarlamasy EAEO sıfrlyq kún tártibine, IT-kompanııalardy damytýǵa jáne «Sıfrlyq Qazaqstan» memlekettik baǵdarlamasynyń ónimderin ilgeriletýge, sondaı-aq bolashaqtyń bilimi jáne turaqty damýǵa qol jetkizý máselelerine arnalǵan tórt paneldik sessııany qamtıdy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar