Úkimet • 31 Qańtar, 2020

Asqar Mamın M.Mıshýstınmen kelissóz júrgizdi

23 retkórsetildi

Premer-Mınıstr Asqar Mamın Almaty qalasyna Eýrazııalyq úkimetaralyq keńes (EÚAK) otyrysyna jáne «Digital Almaty» forýmyna qatysý úshin kelgen Reseı Úkimetiniń Tóraǵasy M. Mıshýstınmen kezdesý ótkizdi. Bul týraly Premer-Mınıstrdiń baspasóz qyzmeti habarlady.

«Biz Tuńǵysh Prezıdent Nursultan Ábishuly Nazarbaev pen  Vladımır Vladımırovıch Pýtın negizin qalaǵan eki el arasyndaǵy qarym-qatynastardyń strategııalyq baǵytyn iske asyrý maqsatynda reseılik áriptesterimizben odan ári jumys isteýge nıettimiz. Bizdiń Prezıdent Qasym-Jomart Kemeluly Toqaev sabaqtastyqty óz qyzmetiniń negizgi prınsıpi retinde naqtylady», dedi A. Mamın.

Reseı – Qazaqstannyń basty saýda seriktesi. 2019 jyldyń 11 aıynda ekijaqty taýar aınalamy $17,2 mlrd qurady. Qazaqstanda reseılik kapıtaldyń qatysýymen 10 myńnan asa kásiporyn jumys isteıdi, bul sheteldik kapıtaly bar kásiporyndardyń jalpy sanynyń 37,4%-yn quraıdy.

«Saýda-ekonomıkalyq ózara is-qımyldyń joǵary oń dınamıkasyn qoldaý úshin jetkiziletin taýarlar men qyzmetterdiń nomenklatýrasyn keńeıtý, bizdiń iskerlik ortalarymyzdyń arasynda tikeleı baılanystar ornatý, sondaı-aq taýarlardy úshinshi elderdiń naryqtarynda ilgeriletý boıynsha birlesken jumystardy jalǵastyrý qajet. Bul mańyzdy jumys Eýrazııalyq ekonomıkalyq komıssııa alańynda da júrgizilýde», dedi A. Mamın.

Qazaqstandyq bıznestiń «KAMAZ» jáne «Peterbýrg traktor zaýyty» tárizdi reseılik iri kompanııalarmen birlesken jobalary belsene damýda. Atap aıtqanda, júk avtomobılderiniń negizgi bilikteriniń basty berilisteriniń redýktorlaryn (2021 j. 4 toqsanynda paıdalanýǵa berý), KAMAZ, avtomobılderiniń shassıi bazasynda arnaıy tehnıka óndiretin zaýyt ashý, bólshekter shyǵaratyn quıý zaýytyn ashý josparlanǵan. Sonymen birge Qazaqstanda avtomobılderdiń jańa úlgilerin testileý úshin synaq polıgony bar ınjınırıng jáne zertteý ortalyǵyn qurý kózdelgen. 2019 jyly shildede «Peterbýrg traktor zaýytymen» birlesip «Kıroves» traktorlarynyń alǵashqy testilik partııasyn qurastyrý júzege asyryldy.

«Úkimet basshysy retinde alǵashqy saparlarymyzdy Qazaqstannan bastaıtynymyz mańyzdy. Bizdi burynnan kele jatqan dostyq jáne áriptestik qarym-qatynastar baılanystyrady. Saýda-ekonomıkalyq, ınvestısııalyq yntymaqtastyq qarqyndy túrde damýda, aımyqtyq baılanystar nyǵaıýda», dedi M. Mıshýstın.

Kezdesý barysynda ónerkásip, energetıka, áskerı tehnıka, ǵarysh, sý jáne tabıǵatty qorǵaý salalaryndaǵy ekijaqty yntymaqtastyqty odan ári damytý, sondaı-aq EAEO men basqa da ıntegrasııalyq birlestikter aıasyndaǵy ózara is-qımyl máseleleri talqylandy. 

A. Mamın men M. Mıshýstın bıyl qarasha aıynda Kókshetaý qalasynda ótetin «Ekologııalyq yntymaqtastyq» taqyrybyndaǵy XVII aımaqaralyq yntymaqtastyq forýmyna sapaly ázirlenýdiń mańyzdylyǵyna basa nazar aýdardy. 

Byltyr Omby qalasynda ótken forýmda qol qoıylǵan Qazaqstan – Reseı shekarasyndaǵy ótkizý pýnktteriniń jumysy boıynsha Birlesken is-qımyl baǵdarlamasyn iske asyrý boıynsha jumystardy jandandyrý qajettigi atap ótildi.  

Sońǵy jańalyqtar

Elordada jalpy jaǵdaı turaqty

Koronavırýs • Búgin, 14:50

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Eń bastysy – úılesimdi jumys isteý

Saıasat • Búgin, 08:00

Uqsas jańalyqtar