Aımaqtar • 31 Qańtar, 2020

Densaýlyq elshileri salaýatty ómirdi qoldaıdy

67 retkórsetildi

Mańǵystaý oblysy densaýlyq saqtaý basqarmasy Salaýatty ómir saltyn qalyptastyrý problemalarynyń oblystyq ortalyǵy qalada «Densaýlyq Festıvali» sporttyq merekesin ótkizýdi dástúrge aınaldyrǵan. Atalmysh sharany ótkizýdegi negizgi maqsat - qarapaıym turǵyndardy dene tárbıesi jáne sportpen shuǵyldanýǵa tartý, salaýatty ómir saltyn ustaný, aýrýdyń aldyn alýdyń negizi salaýattylyq ekendigin túsindirý.

Jyl ótken saıyn buqaralyq sportpen aınalysýshylardyń sany artyp keledi. Sońǵy jyldary oblysta birqatar sporttyq keshender men sporttyq alańdar paıdalanýǵa berilýde, ıaǵnı salaýatty ómir saltyn nasıhattaý maqsatynda kóptegen jumystar júzege asyrylyp keledi.

Osyndaı mazmundy sporttyq mádenı-kópshilik sharalary  tól mádenıetimizdi, rýhanı qundylyqtarymyzdy jańǵyrtýǵa oń yqpalyn tıgizip qoımaı, keleshek urpaqty patrıottyq rýhta tárbıeleýge kómektesedi.

Halyqtyń salaýatty ómir salty men densaýlyq saqtaý máseleleri jónindegi bilimi men habardarlyǵyn arttyra berý mindet. Halyq arasynda sporttyń buqaralyq sıpat alýyna jáne sportty nasıhattaýǵa erekshe den qoıý qajet. О́skeleń urpaq - bizdiń erteńgi bolashaǵymyz bolǵandyqtan, olardyń sporttyq bilimderin arttyryp qana qoımaı, osyndaı aksııalardy kóptep uıymdastyrý jastardyń salaýatty ómir saltyn durys ustanýyna septigin tıgizýi sózsiz.

Osy baǵytta oblystyq Salaýatty ómir saltyn qalyptastyrý ortalyǵynyń mamandary durys tamaqtaný jáne salaýatty ómir saltyn ustaný boıynsha aqparat berip otyrady.

Festıval aıasynda «О́z densaýlyǵyńyzdy kútińiz, aýrýlardyń aldyn alý, skrınıgtik tekserýden ótińiz!», «Salaýatty otbasyn quramyz!» jáne t.b. taqyryptaryndaǵy aqparattyq-kórnekilik materıaldary taratylyp, halyqtyń aqparattylyǵy men ózderiniń densaýlyqtaryna jaýapkershilikteri arttyryldy.

-Oblys boıynsha taǵaıyndalǵan 5 «Sport elshisiniń» bireýi bolǵandyqtan aımaǵymyzda ótkizilgen sporttyq-kópshilik is-sharalarǵa atsalysyp kelemin. Bıylǵy jyl elimizde «Eriktiler jyly» dep jarııalandy jáne Memleket basshysy Q. Toqaev óz joldaýynda eriktilerdiń orny erekshe ekenin atap ótti.

Erikti degenimiz ne? Ol qoǵamǵa óz erkimen kómek berý. Bizde kóbinese eriktilerde jastar býyny óte kóp. Olar qol ushyn berýdi ár túrli formatta kórsetip júr. Al Elbasy Nursultan Ábishuly Nazarbaev: «Halyq densaýlyǵy – el damýynyń ajyramas, quramdas bóligi» degen bolatyn. Sondyqtan, denim saý bolsyn deseńiz, sportpen shuǵyldanyńyzdar, deıdi ol.

«Mańǵystaý oblystyq erekshe tulǵalardyń dene shynyqtyrý jáne sport federasııasy» qoǵamdyq birlestiginiń tóraıymy Jarylgas Mańdaıly Ystybaıqyzy.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar