Úkimet • 31 Qańtar, 2020

Elordada jasandy ıntellektti damytý keleshegi talqylandy

40 retkórsetildi

Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıevtiń tóraǵalyǵymen ótken Qazaqstandy sıfrlandyrý jónindegi halyqaralyq saraptamalyq keńestiń jumysyna Dúnıejúzilik Banktiń, Amazon Web Services, Ulybrıtanııanyń Memlekettik sıfrlyq qyzmetiniń (GDS), Reseı men TMD-daǵy IDC kompanııasynyń, ATMEÁK jáne t.b. sarapshylary qatysty. Bul týraly Sıfrlyq damý, ınnovasııalar jáne aeroǵarysh ónerkásibi mınıstrliginiń baspasóz qyzmeti habarlady.

Jıynda Qazaqstannyń «Aqyldy» tehnologııalardy engizý salasyndaǵy jetistikteri, Big Data-ny tıimdi qoldaný perspektıvalary jáne jasandy ıntellekt salasyn odan ári damytý máseleleri talqylandy.

Keńes sarapshylary jasandy ıntellektti damytý  – ýaqyt talaby degen ustanymmen osy baǵyttaǵy jumysty memlekettik jáne jeke sektor birlese otyryp, kıberqaýipsizdikke erekshe nazar aýdarýy tıis degen ortaq pikirge keldi. Otyrys qorytyndysynda osy jáne basqa da birqatar naqty usynystar bir qujatpen rásimdeldi.

«Halyqaralyq sarapshylar keńesiniń jumysy biz úshin  óte mańyzdy. Osy Keńes jumysynyń barysynda aıtylǵan bastamalardyń birqataryn júzege asyrdyq jáne búgingi kúni bul jobalar bizge elimizde sıfrlandyrýdy belsendi túrde ilgeriletýge kómektesedi. Osy joly da, Sizderdiń taraptaryńyzdan aıtylǵan usynystardyń barlyǵyn muqııat saraptap, basym bóligin iske asyratynymyzǵa senimdimin», dep atap ótti Asqar Jumaǵalıev.

Bul Keńestiń toǵyzynshy otyrysy jáne Qazaqstanda júzege asyrylǵan kóptegen sıfrlyq sheshimder osy HSK otyrystarynda usynylǵanyn  aıtyp ótý kerek.  Mysaly, "Smart Data Ukimet", "Smart Bridge", proaktıvti qyzmetterdi engizý, bala týýy boıynsha jáne t.b. qyzmetter men jobalar.

Dál osy kúni Asqar Jumaǵalıev birqatar ekijaqty kelissózder júrgizdi, onyń ishinde Ulybrıtanııanyń Memlekettik sıfrlyq qyzmetiniń dırektory (GDS) – Krıs Fergıýsonmen jáne «Amazon Web Services» úkimetti transformasııalaý jónindegi dırektory L. Maksvellmen kezdesýler ótkizdi. Taraptar birlesken jańa "aqyldy" jobalardy qurý, sıfrlyq ekonomıka úshin bilikti kadrlar daıarlaý jáne elektrondyq úkimetti odan ári damytý máselelerin egjeı-tegjeıli talqylady.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar