Sport • 31 Qańtar, 2020

Kásipqoı boks: Ahmadalıev qos altyn belbeýdi ıelendi

57 retkórsetildi

AQSh-tyń Maıamı qalasynda ótken kásipqoı boks keshinde ózbekstandyq Murodjon Ahmadalıev amerıkalyq Danıel Romandy upaı sanymen utyp, ekinshi jeńil salmaqtaǵy IBF jáne WBA (Super) nusqalary boıynsha altyn beldeýlerdi ıelendi.

Bul kúnderi О́zbekstannyń barsha jankúıerleri óz otandastarynyń osy tabysyna aıryqsha qýanýda. Sebebi, Murodjonnyń kásipqoılar arasynda kúsh synasyp júrgenine asa kóp ýaqyt bola qoıǵan joq. Tusaýkeser kezdesýin ol 2018 jyldyń kókteminde ótkizgen bolatyn.

Sol ýaqyttan beri jeti ret rıngke kóterilip, barlyq qarsylasynan basym tústi. Alty básekeni merziminen buryn aıaqtady. Al óziniń segizinshi jeńisinen keıin Ahmadalıev beldi nusqalar boıynsha álem chempıony atanyp otyr. Shyny kerek, kásipqoı boks tarıhynda qysqa ǵana merzim aralyǵynda osyndaı orasan zor tabysqa qol jetkizgen sportshylar óte sırek.

Bul boksshy qazaq jankúıerlerine de jaqsy tanys. 25 jastaǵy Murodjon áýesqoılar arasynda da eleýli tabystarǵa qol jetkizdi. Atap aıtsaq, 2015 jylǵy álem chempıonatynyń kúmis medalin moınyna ilse, 2016 jyly Olımpıa oıyndarynda qolaǵa qol sozdy. Odan bólek, Azııa chempıony degen ataǵy taǵy bar.  

Dál osy bylǵary qolǵap sheberiniń dúbirli dodalarda bizdiń Qaırat Eralıevpen eki márte qjoly qıysqany da jankúıerlerdiń esinde. Rıo Olımpıadasyndaǵy aıqas Ahmadalıevtiń paıdasynan sheshilse, kelesi jyly Gambýrgte ótken álem chempıonatynda Eralıev ketken esesin qaıtardy.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar