Kásipqoı boks • 31 Qańtar, 2020

Kásipqoı boks: Andrade chempıondyq ataǵyn qorǵap qaldy

176 retkórsetildi

AQSh-tyń Maıamı qalasynda ótken kásipqoı boks keshiniń basty jekpe-jeginde WBO nusqasy boıynsha orta salmaqtaǵy álem chempıony ataǵy sarapqa salyndy.

Bul básekede 31 jastaǵy amerıkalyq Demetrıýs Andrade men 32 jastaǵy ırlandııalyq Lıýk Kıler kúsh synasty. 2007 jyly Chıkagoda 69 kılo salmaq dárejesi boıynsha álem chempıony atanyp, 2008 jyly Beıjiń Olımpıadasynyń shırek fınalynda súringennen keıin AQSh boksshysy kásipqoı rıngte kúsh synasýǵa bel býǵan edi. Sol kezden beri ol 28 kezdesýdiń barlyǵynda jeńǵiske jetip, 17 qarsylasyn esinen tandyrdy. Birneshe ret chempıondyq ataqqa qol jetkizdi.

Lıýk Kıler bolsa, 2013 jyldan beri kásipqoılar arasynda baq synap júr. Barlyǵy 21 ret sharshy alańǵa kóterilgen ol 17 ret jeńiske jetip, bes básekeni merziminen buryn aıaqtady. Úsh ret utylyp, taǵy bir kezdesýdiń nátıjesi esepke alynǵan joq.

AQSh pen Irlandııa ókilderi arasyndaǵy básekeniń alǵashqy eki raýndynda alǵashqysy qarsylasyn eki ret nokdaýnǵa jiberdi. Odan keıin esin tez jıǵan Kıler barynsha qarsylyq kórsetti. Desek te toǵyzynshy raýndta Andrade ony aýyr soqqylardyń astyna aldy. Tóreshi kóp oılanbastan jekpe-jekti toqtatý jóninde sheshim qabyldady.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar