Aımaqtar • 31 Qańtar, 2020

Jambyldyq kooperatıvterge jańa tehnıkalar berildi

88 retkórsetildi

Áýlıeata óńirinde «Jambyl oblysy turǵyndarynyń turmystyq tabysyn jaqsartý» jobasy óńir turǵyndary tarapynan qoldaý taýyp, júıeli túrde júzege asyrylyp keledi.

Memlekettik deńgeıde qoldaý tapqan joba aıasynda óńirdegi on aýdannan pılottyq jobaǵa engen aýyldardyń turǵyndary nesıege mal alyp, tirligin tikteýde. Sonymen qatar, árbir turǵyn óz aýlasyndaǵy jerlerdi tıimdi paıdalaný arqyly turaqty ónim alýǵa qol jetkizip otyr. Endi atalǵan joba aıasynda aýyl turǵyndaryn qoldaý maqsatynda birqatar tehnıkalar satyp alynǵan bolatyn. Búgin Taraz qalasyndaǵy «Atakent-Taraz» saýda ortalyǵynda óńirde qurylǵan kooperatıvterge aýyl sharýashylyq tehnıkalaryn saltanatty tabystaý rásimi ótti. Oǵan Jambyl oblysynyń ákimi Asqar Myrzahmetov arnaıy qatysyp, pılottyq 11 okrýgte qurylǵan kooperatıvterge 194 birlik tehnıkany tabystady.

Shara barysynda Asqar Myrzahmetov quttyqtaý sóz sóılep, aldaǵy ýaqytta atalǵan pılottyq joba oblys turǵyndarynyń tabysyn arttyryp qana qoımaı, óńirdiń áleýmettik-ekonomıkalyq damýyna da óz septigin tıgizetinin atap ótti. Sonymen qatar, bul bastamaǵa Memleket basshysynyń, Úkimet basshysynyń kóńil bólip otyrǵanyn, sondyqtan da árbir azamat bul bastamaǵa erekshe qyzyǵýshylyq tanytý kerektigin ári jemisti bolýyna atsalysý qajettigin jetkizdi. «Jambyl óńirinde áleýmettik mańyzy zor joba bastaldy. Bul jobanyń artyqshylyǵy – halyqtyń turmysyn jaqsartýǵa kóńil bólý. Jobany iske asyrýdyń birden-bir tıimdi tetigi – bul kooperatıv qurý. Kooperatıvterge qajetti tehnıkalar alý úshin respýblıkalyq bıýdjetten 7,2 mıllıard teńge bólinse, oblystyq bıýdjetten 2 mıllıard teńge qarastyryldy. Jobamyzdy Prezıdent te, Úkimet te qoldady. Áıtpese munsha tehnıkany satyp alý degen ońaı emes. Endi turǵyndardyń turmysyn jaqsartý maqsatynda 40 myńǵa jýyq mal basy men qus satyp alynady. Bul tek qana istiń bastamasy», dedi ákim. Sonymen qatar, Asqar Myrzahmetov turǵyndardyń turmysyn jaqsartý jumystaryn bastaý úshin ázirge kooperatıvterdiń et pen sút baǵytyn alyp otyrǵanyn, endigi maqsat alynǵan ónimderdi óńdeıtin shaǵyn sehtar qurý ekenin de atap ótti. Atalǵan jobanyń tórtinshi baǵyty – qurylǵan aýyl sharýashylyǵy kooperatıvterin qajetti tehnıkalarmen qamtamasyz etý bolatyn. Bul baǵytqa 1 070,9 mıllıon teńge qarastyrylyp, ol qarjyǵa kooperatıvterge qajetti aýyl sharýashylyǵy tehnıkalarynyń 29 túrinen 194 dana tehnıka alynǵan edi. Onyń ishinde 33 traktor, 11 kombaın, 3 KaMAZ kóligi jáne taǵy basqa 149 dana agrosalaǵa qajetti tehnıkalar bar.

«Atakent-Taraz» saýda kesheninde ótken jıynda Baızaq aýdany, Qostóbe aýylyndaǵy «Qostóbe-2019» kooperatıvine 14 dana, Túımekent aýylyndaǵy «Túımekent-2019» kooperatıvine 18 dana, Jambyl aýdany, Besaǵash aýylyndaǵy «Iske Sát» kooperatıvine 22 dana, Jýaly aýdany, Báıterek aýylyndaǵy «Atameken Bastaý» kooperatıvine 19 dana, Qordaı aýdany, Jańaturmys aýylyndaǵy «Jańaturmys-Birlik» kooperatıvine 19 dana, Merki aýdany, Surat aýylyndaǵy «Surat Damý» kooperatıvine 19 dana, Moıynqum aýdany, Aıdarly aýylyndaǵy «Aıdarly Agro-2019» kooperatıvine 13 dana, Sarysý aýdany, Saýdakent aýylyndaǵy «Saýdakent 2019» kooperatıvine 20 dana, Talas aýdany, Úsharal aýylyndaǵy «Talas-2020» kooperatıvine 18 dana, T.Rysqulov aýdany, Qumaryq aýylyndaǵy «Qumaryq-Taý» kooperatıvine 17 dana, Shý aýdany, Jańaqoǵam aýylyndaǵy «Omar-Shý» kooperatıvine 15 dana tehnıka berildi. Bul jańa tehnıkalar Belarýs, Ýkraına, Túrkııa, Reseı, Polsha jáne ózimizdiń otandyq zaýyttardan shyqqan. Talas aýdany, Úsharal aýylynan qurylǵan «Talas-2020» aýyl sharýashylyǵy kooperatıviniń tóraǵasy Rahymjan Ádenov memlekettiń, oblystyń bul qamqorlyǵyna óz rızashylyǵyn bildirse, T.Rysqulov aýdany, Qumaryq aýylynan qurylǵan «Qumaryq-Taý» aýyl sharýashylyǵy kooperatıviniń tóraǵasy Erkin Sársebaev bul bastamanyń barlyq turǵyndarǵa berilip otyrǵan úlken múmkindik ekendigin, endi tek qana aıanbaı jumys isteý qajettigin jetkizdi.

1

Tabystalǵan aýyl sharýashylyǵy tehnıkalary «Taraz» áleýmettik kásipkerlik korporasııasy arqyly 5 paıyzben qosymsha kepilsiz lızıngke berilip otyr. Aldaǵy ýaqytta osy tehnıkalardyń kúshimen barlyq úı irgesindegi 1071,7 gektar jáne aýyl syrtyndaǵy 77362 gektar jerler ıgeriletin bolady. Oblystyń 10 aýdanynan pılottyq jobaǵa engen 11 aýyldyń ózinde 50 myń adam turatynyn eskersek, bul turǵyndardyń turmysyn jaqsartýǵa eleýli kómek. Sondyqtan da Asqar Myrzahmetov óz sózinde atalǵan joba jemisin bergen kezde bul bastamanyń óńirdiń barlyq aýyldaryna taratylatynyn aıtty.

 

Jambyl oblysy

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar