2013 jylǵy 29 mamyr, Astana, Úkimet Úıi
Suıytylǵan kómirsýtegi gazyn teńiz jolymen eksporttaýdy damytýdyń keıbir máseleleri jáne Qazaqstan Respýblıkasy Úkimetiniń keıbir sheshimderine ózgeris pen tolyqtyrýlar engizý týraly
Suıytylǵan kómirsýtegi gazyn teńiz jolymen eksporttyq jetkizýdi damytý maqsatynda Qazaqstan Respýblıkasynyń Úkimeti qaýly etedi:
1. Qazaqstan Respýblıkasy Ulttyq qaýipsizdik komıtetiniń Shekara qyzmeti (kelisim boıynsha), Qazaqstan Respýblıkasy Qarjy mınıstrliginiń Kedendik baqylaý komıteti, Qazaqstan Respýblıkasy Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıteti Aqtaý teńiz portynyń suıytylǵan kómirsýtegi gazyn jóneltý jónindegi teńiz termınalynyń ıesimen birlesip Qazaqstan Respýblıkasynyń zańnamasynda belgilengen tártippen «Qazaqstan Respýblıkasynyń Memlekettik shekarasy arqyly ótkizý pýnktteriniń jumys isteýiniń keıbir máseleleri týraly» Qazaqstan Respýblıkasy Úkimetiniń 2005 jylǵy 13 jeltoqsandaǵy №1240 qaýlysymen bekitilgen Qazaqstan Respýblıkasynyń Memlekettik shekarasy arqyly ótkizý pýnktteriniń ashylý, jumys isteý jáne jabylý qaǵıdalaryna sáıkes Qazaqstan Respýblıkasynyń Memlekettik shekarasy arqyly suıytylǵan kómirsýtegi gazyn tasymaldaýdy júzege asyratyn kemelerdi ótkizýdiń tehnologııalyq shemasyn bekitý jónindegi sharalardy qabyldasyn.
2. Qazaqstan Respýblıkasy Úkimetiniń keıbir sheshimderine mynadaı ózgeris pen tolyqtyrýlar engizilsin:
1) «Qazaqstan Respýblıkasynyń Memlekettik shekarasy arqyly ótkizý pýnktteriniń jumys isteýiniń keıbir máseleleri týraly» Qazaqstan Respýblıkasy Úkimetiniń 2005 jylǵy 13 jeltoqsandaǵy №1240 qaýlysyna:
kórsetilgen qaýlymen bekitilgen Qazaqstan Respýblıkasynyń Memlekettik shekarasy arqyly ótkizý pýnktteriniń ashylý, jumys isteý jáne jabylý qaǵıdalarynda:
mynadaı mazmundaǵy 11-1-tarmaqpen tolyqtyrylsyn:
«11-1. Teńiz (ózen) ótkizý pýnktterin salýdy jáne jaılastyrýdy memlekettik baqylaý organdarynyń kelisimi boıynsha teńiz (ózen) porttarynyń ıeleri nemese teńiz termınaldarynyń operatorlary júzege asyra alady.»;
12-tarmaq mynadaı redaksııada jazylsyn:
«12. Osy Qaǵıdalardyń 11-1-tarmaǵynda kózdelgen jaǵdaıdy qospaǵanda, Keden odaǵynyń syrtqy shekarasynda avtomobıl ótkizý pýnktin ornatý týraly Úkimettiń sheshimi qabyldaǵannan keıin Qazaqstan Respýblıkasy Qarjy mınıstrliginiń Kedendik baqylaý komıteti, Qazaqstan-Reseı memlekettik shekarasyndaǵy avtomobıl ótkizý pýnktin – Qazaqstan Respýblıkasy Ulttyq qaýipsizdik komıtetiniń Shekara qyzmeti, temir jol, áýe jáne teńiz (ózen) ótkizý pýnktin ornatý boıynsha – Qazaqstan Respýblıkasy Kólik jáne kommýnıkasııa mınıstrligi ótkizý pýnktin jobalaý, salý (rekonstrýksııalaý), jabdyqtaý jáne tehnıkalyq jaraqtandyrý jóninde tapsyrys berýshiniń fýnksııasyn atqarady.»;
14-tarmaq mynadaı mazmundaǵy ekinshi bólikpen tolyqtyrylsyn:
«Teńiz (ózen) porty ıesiniń nemese teńiz termınaly operatorynyń qarajaty esebinen teńiz (ózen) ótkizý pýnktin jaılastyrý kezinde keıinnen ustaýdy teńiz (ózen) portynyń ıesi nemese teńiz termınalynyń operatory júzege asyrady;»;
2) «Qazaqstan Respýblıkasynyń teńiz porttarynda jáne olarǵa kireberisterde kemelerdiń júzý jáne turaqta turý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 18 shildedegi №827 qaýlysyna (Qazaqstan Respýblıkasynyń PÚAJ-y, 2011 j., №48, 647-qujat):
kórsetilgen qaýlymen bekitilgen Qazaqstan Respýblıkasynyń teńiz porttarynda jáne olarǵa kireberisterde kemelerdiń júzý jáne turaqta turý qaǵıdasynda:
4-tarmaqtyń birinshi bóligi mynadaı mazmundaǵy 5) tarmaqshamen tolyqtyrylsyn:
«5) syrtqy reıd – teńiz portyna kireberisterde arnaıy bólingen jáne kemelerdiń turaqta turýyna, qyzmet kórsetýge jáne olardy resimdeýge arnalǵan sý keńistigi.».
mynadaı mazmundaǵy 64-1 jáne 74-1-tarmaqtarmen tolyqtyrylsyn:
«64-1. Port qurylystarynyń tehnıkalyq beıimsizdigine jáne qaýipsizdik talaptaryna baılanysty kemeniń portqa kirý múmkindigi bolmaǵan kezde, port kapıtanynyń jazbasha ruqsaty jáne shekaralyq, kedendik baqylaý jáne sanıtarııalyq-epıdemıologııalyq qadaǵalaý organdarynyń kelisimi boıynsha kemeniń kelýin resimdeý porttyń syrtqy reıdinde júzege asyrylady.»;
«74-1. Osy Qaǵıdanyń 64-1-tarmaǵynda kózdelgen jaǵdaılarda, kemeniń portqa kirý múmkindigi bolmaǵan kezde kemeniń shyǵýyn resimdeý porttyń syrtqy reıdinde júzege asyrylady.».
3. Osy qaýly alǵashqy resmı jarııalanǵan kúninen bastap kúntizbelik on kún ótken
soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
