Sonymen qatar forýmnyń moderatory Ortalyq Azııa, Ázirbaıjan, Monǵolııa aımaqtyq dırektory Andreı Beklemıshev, BUU Bas hatshysynyń orynbasary F.Hohshıld, Ulybrıtanııa memlekettik sıfrlyq qyzmetiniń dırektory Krıs Fergıýson, Amazon Web Services transformasııa boıynsha dırektory L.Maksvell, «01 Edu system» negizin qalaýshy N. Sadırak yqpaldastyq elderinde jasandy ıntellekt boıynsha úlken jumystardyń jasalyp jatqandyǵyn jetkizdi.
Spıkerler ásirese jasandy ıntellektiń medısınadaǵy, aýyl sharýashylyǵyndaǵy, klımattaǵy ózgeristerdi anyqtaýdaǵy boljamdarǵa toqtaldy. Adamzatqa tónetin syn-qaterler, ýrbanızasııa, avtomobıl óndirisindegi, bank sektoryndaǵy jasandy ıntellektiń áleýeti zor, dep atap ótti. 2030 jylǵa deıin IT sheshimder, energııanyń 30 paıyzyn tutynatyn bolady. Sondyqtan da ekonomıkany durys basqarý tetigindegi jasandy ıntellekt jumystary aıtarlyqtaı basymdyqqa ıe. «Digital Almaty: jahandyq ekonomıkanyń sıfrlyq bolashaǵy» halyqaralyq forýmy EAEO elderiniń jasandy ıntellekt salasyndaǵy tájirıbe alańyna aınalyp, ary qaraıǵy yntymaqtastyq kelisimderdi nyǵaıtý máselesin talqylady.
Forým aıasynda EAEO «Digital Almaty Awards» baıqaýy boıynsha «Qala úshin úzdik IT sheshim», «Úzdik startap-joba», «Big Data – jyl kompanııasy», «Memlekettik sektordaǵy úzdik IT joba», «IT – jyl áıeli»,«Jyldyń IT chempıony» atalymynyń jeńimpazdary marapattaldy.
