Qazaqstan • 31 Qańtar, 2020

IýNESKO jáne ISESKO isteri jónindegi ulttyq komıssııanyń otyrysy ótti

43 retkórsetildi

Ulttyq akademııalyq kitaphanasynda Mádenıet jáne sport mınıstri Aqtoty Raıymqulovanyń tóraǵalyǵymen IýNESKO jáne ISESKO isteri jónindegi ulttyq komıssııanyń kezekti otyrysy ótti. Bul týraly Mádenıet jáne sport mınıstrliginiń baspasóz qyzmeti habarlady.

Otyrysqa komıssııanyń turaqty músheleri – múddeli memlekettik organdardyń basshylary, bilim, ǵylym jáne mádenıet qaıratkerleri qatysty. 

Sońǵy eki jyldyń qorytyndysyna saı Komıssııa, onyń taqyryptyq komıtetteri men IýNESKO Klýbtary jáne qaýymdasqan mektepteriniń jumysy baıandaldy. Atap aıtqanda, Qazaqstannyń taǵy eki ulttyq parki – Sharyn jáne Jońǵar Alataýy IýNESKO-nyń dúnıejúzilik bıosferalyq rezervattar jelisine engizildi. Adamzattyń materıaldyq emes mádenı murasynyń reprezentatıvtik tizimi «Qorqyt murasy» jáne «Qazaq jylqy ósirýshileriniń dástúrli kóktemgi ádet-ǵuryptary – qymyz muryndyq, bıe baılaý jáne aıǵyr qosý» nomınasııalarymen tolyqtyrdy. IýNESKO-nyń qoldaýymen Parıj qalasynda «Uly dala: rýhanı mura jáne onyń álemdik tarıhqa úlesi» halyqaralyq forým sátti ótkizildi.

Qazaqstan Respýblıkasy IýNESKO-nyń «Adam jáne bıosfera» baǵdarlamasynyń halyqaralyq úılestirý keńesine, al qazaqstandyq salalyq Ulttyq komıtettiń basshysy R. Iаshenko bıosferalyq rezervattar jónindegi Keńesshilerdiń Halyqaralyq komıteti quramyna taǵaıyndaldy. 

Syrtqy ister mınıstriniń orynbasary – Ulttyq komıssııa tóraǵasynyń orynbasary Erjan Ashyqbaev IýNESKO-nyń Áleýmettik-mádenı saladaǵy mindetterdi sheshýde Qazaqstannyń mańyzdy seriktesi bolyp qala beretinin, sondaı-aq mádenıet, ǵylym, bilim, aqparattyq tehnologııalar salasyndaǵy ulttyq jetistikterdi nasıhattaýda biregeı platforma sanalatynyn atap ótti. 

Otyrys barysynda qatysýshylar Komıssııanyń 2020 jylǵa arnalǵan qyzmetiniń basym baǵyttaryn talqylady, onyń ishinde IýNESKO-nyń dúnıejúzilik mura jáne materıaldyq emes mura tizimine jańa ulttyq nomınasııalardy daıyndaý jáne ilgeriletý máselelerin qarastyrdy. 

Komıssııa músheleri osy jyly IýNESKO-nyń ataýly mereıtoılar kúntizbesine engizilgen Ál-Farabıdiń 1150 jyldyǵy men Shymkenttiń 2200 jyldyǵyn atap ótý máselesin talqylaýǵa erekshe nazar aýdardy.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar