Alqaly jıyn barysynda Saparhan Omarov fermerler odaǵynyń múshelerin jańa prezıdenti bolyp Jıgýlı Daırabaevtyń saılanýymen quttyqtady. Sondaı-aq mınıstr buǵan deıin QFO músheleriniń kópshiligimen dástúrli senbilik kezdesýler sheńberinde kezdeskenin aıtty. Al tolyq quramdaǵy alǵashqy kezdesý ekenin atap ótti.
QFO músheleri AShM mınıstrine aýyl sharýashylyǵynyń barlyq ózekti máseleleri týraly ashyq aıtty. Onyń ishinde gerbısıdterge sýbsıdııa alý máseleleri, sondaı-aq sútti jáne etti mal sharýashylyǵyndaǵy qazirgi jaǵdaı da keńinen talqylandy.
Atap aıtqanda, fermerler «Mal sharýashylyǵyn damytý» baǵdarlamasynda olqylyqtar jiberilgenin alǵa tartty. Olardyń pikirinshe, mal basyn kóbeıtý úshin «angýs» tuqymynyń ımportyna basa nazar aýdarylǵany qatelik. Sebebi, belgııalyq sıyrlardyń kórsetkishteri álde qaıda joǵary: buqa men sıyrdyń tiri salmaǵy aıtarlyqtaı kóp, soıylǵan kezde 80%-ǵa jýyq, al angýs 65%-ǵa jýyq et beredi. Sonymen qatar angýsqa qaraǵanda sútti eken.
Sonymen qatar Qazaqstan fermerler odaǵynyń ókilderi Aýyl sharýashylyǵy mınıstrligi tiri maldyń eksportyna 6 aılyq moratorıı jarııalaýyna qatysty oılaryn ortaǵa saldy. Fermerler tolyqtaı AShM sheshimin qoldaıdy. Sondaı-aq QFO keıbir músheleri tyıym salý merzimin 5 jylǵa deıin ulǵaıtýdy usyndy.
Fermerler kótergen máseler boıynsha AShM basshysy mınıstrliktiń 2017-2021 jyldarǵa arnalǵan AО́K damytý memlekettik baǵdarlamasyn iske asyrý aıasynda júıeli máselelerdi sheshý boıynsha josparly túrde jumys istep jatqanyn atap ótti. Sońǵy jyly osy baǵytta eleýli qadamdar jasaldy. Atap aıtqanda, salanyń jumysyn tıimdi jáne qazirgi zamanǵa saı, al onyń erejeleri taza jáne barshaǵa túsinikti etetin zańnamaǵa eleýli túzetýler engizildi. Budan basqa, jer paıdalanýdyń tıimdiligin arttyrýǵa baǵyttalǵan jańa ózgerister ázirlenýde.
Jıyn sońynda Saparhan Omarov birlestik ókilderimen únemi kezdesýler ótkizýge ýáde berdi. Ýaqytty únemdep, fermerlerdi jumystarynan mazalamaý úshin beınekonferensııa arqyly kezdesýler ótkizýdi usyndy.
«Búgingi bizdiń kezdesýimiz jemisti de, jeńisti jumystardyń bastamasy. Isimiz ilgeri basýy úshin, qordalanǵan máselerdi ortaǵa salyp talqylap, tıimdi sheshý joldaryn usynýymyz qajet. Sondyqtan ashyq piákir almasý arqyly birigip jumys isteýge shaqyramyn», dep atap ótti Saparhan Omarov.
