Úkimet • 31 Qańtar, 2020

Eńbek mınıstrligi «Atameken» UKP-men birlesip CRM aqparattyq bazasyn engizdi

71 retkórsetildi

Berdibek Saparbaevtyń tóraǵalyǵymen 2019 jylǵy jeltoqsanda Jańaózen qalasynda quramyna Eńbek jáne halyqty áleýmettik qorǵaý, Ulttyq ekonomıka, Aýyl sharýashylyǵy, Bilim jáne ǵylym mınıstrlikteriniń, Mańǵystaý oblysy ákimdiginiń, «Atameken» UKP, «Samuryq-Qazyna» UÁQ» AQ, «QazMunaıGaz» UK ókilderi kirgen Jumyspen qamtý máselelerin sheshý jónindegi jumys toby qurylyp, Jańaózen qalasynda Kásipkerlikti damytý jáne jumyspen qamtýdy yntalandyrý jónindegi jol kartasyn ázirledi jáne bekitti. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Eńbek jáne halyqty áleýmettik qorǵaý mınıstrligi «Atameken» UKP-men birlesip CRM aqparattyq bazasyn engizdi, ol arqyly Jańaózendegi jumyssyz turǵyndardyń jeke kartalary qalyptastyryldy, bul jumyspen qamtýǵa járdemdesý sharalaryn qajet etetin 2 042 adamnyń áleýmettik portretin anyqtaýǵa múmkindik berdi. Ol Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasyn iske asyrý aıasynda ataýly qoldaý sharalaryn kórsetýdi josparlap otyr.

Ortasha jalaqysy 100-den 120 myń teńgege deıin bolatyn turaqty jumys oryndaryna 107 adam jumysqa ornalasty. 2020 jyly turaqty jumys oryndaryna 561 adamdy, memleket sýbsıdııalaǵan jumys oryndaryna 1 374 adamdy jumysqa ornalastyrý josparlanýda.

Mańǵystaý oblysynyń Jańaózen qalasyn áleýmettik-ekonomıkalyq damytýdyń 2019-2025 jyldarǵa arnalǵan keshendi josparynyń aıasynda taýar óndirýshilerdi «О́zenmunaıgaz» AQ satyp alýǵa tartý arqyly óndiristi oqshaýlaý jáne jumys oryndaryn qurýdy yntalandyrý jobasy josparlanýda.

Sondaı-aq taýarlar men qyzmetterdi oqshaýlaý boljanyp otyr, qazirdiń ózinde áleýetti oqshaýlanatyn 32 bıznes-joba anyqtaldy. Aldyn ala málimetter boıynsha, oqshaýlanatyn jobalar sheńberindegi jalaqy mólsheri mamannyń biliktilik deńgeıine baılanysty 100-den 320 myń teńgege deıin bolady, 22,4 mlrd teńgege deıin ınvestısııasy bar 800 jumys orny qurylady.

О́ndiristi oqshaýlaıtyn kásipkerlerdi kadrlarmen qamtamasyz etý úshin «Eńbek» memlekettik baǵdarlamasynyń birinshi baǵyty sheńberinde «Qysqa merzimdi kásiptik oqytý» quraly paıdalanylatyn bolady.

Sonymen qatar kásipkerlikti damytý úshin «100 saýda núktesi» jobasyn júzege asyrý úshin 30 jer ýchaskesi anyqtaldy. Bul jer ýchaskeleri «Kaspıı» ÁKK-ne 5 jylǵa jalǵa beriledi.

Kásipkerlik bastamasy bar qala turǵyndary arasynda memlekettik qoldaý sharalary týraly keń aqparattyq-túsindirý jumystaryn júrgizý maqsatynda Jańaózen qalasynda Kásipkerlerge qyzmet kórsetý ortalyǵy ashyldy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar