Qazaqstan • 31 Qańtar, 2020

Almatydaǵy forýmda aýqymdy jobalar usynyldy

26 retkórsetildi

Almatyda EAEO elderiniń Premer-Mınıstrleriniń qatysýymen «Digital Almaty: jahandyq ekonomıkanyń sıfrlyq bolashaǵy» forýmy ótti. Úkimet basshylary ótken jyldyń qorytyndysyn shyǵaryp, erekshe nomınasııalar boıynsha jeńimpazdardy marapattady. Bul týraly Premer-Mınıstrdiń baspasóz qyzmeti habarlady.

Qazaqstan Premer-Mınıstri Asqar Mamın, Armenııa Respýblıkasynyń Premer-Mınıstri Mger Grıgorıan, Belarýs Respýblıkasynyń Premer-Mınıstri Sergeı Rýmas, Moldova Respýblıkasynyń Premer-Mınıstri Ion Kıký, Reseı Federasııasynyń Premer-Mınıstri Mıhaıl Mıshýstın, Qyrǵyz Respýblıkasynyń Vıse-Premer-Mınıstri Jenısh Razakov «Qala úshin úzdik AT-joba», «Úzdik startap-joba», «Big Data — úzdik kompanııa», «Memlekettik sektordaǵy úzdik AT-joba», «AT boıynsha jyl áıeli», «Jyldyń AT-chempıony» nomınasııalary boıynsha syılyqtardy tabystady.  

Forým alańynda erekshe kórme ótti, onda qazaqstandyq startaptar men AT-chempıondar ózderiniń biregeı jobalaryn usyndy.

Usynylǵan jobalardyń biri — Kazdream Technologies kompanııasy aýqymdy derekter men jasandy zerde negizindegi jobalardy ázirleýmen aınalysady. Kompanııa uıaly baılanys operatorlarynyń, áleýmettik jelilerdiń, memlekettik derekter qorynyń málimetterin jeke derekterge baılanyssyz kiriktiredi jáne saraptama jasaıdy, onyń memlekettik organdar óz jumysynda paıdalanady. 

Kompanııanyń negizin qalaýshy Dáýren Tólebaev kompanııa qurý ıdeıasy qalaı týyndaǵanyn aıtyp berdi.

1

«Men – derekter fanatymyn. Men derekterdi, olardy saraptaǵandy, olardy jınaqtaǵandy jaqsy kóremin. Men úshin derekter kóp bolǵan saıyn men sonshalyqty baqyttymyn. Sen neǵurlym bul derekterdi kóbirek alsań, soǵurlym jaqsy. Men bizdiń jobalardy derekterdiń “nárin jınaýshy” dep ataımyn. Basqasha aıtqanda, derekterdi alyp, shyrynsyqqyshqa salyp, nátıjesinde prosesterdi avtomattandyrýǵa kómektesetin jobalar alamyz», — dedi D. Tólebaev.

Sonymen qatar kórmede CTO & Project Manager kompanııasy usynyldy, ol adamnyń júzin taný arqyly ýaqytty esepke alý jáne qoljetimdilikti baqylaý boıynsha baǵdarlamalyq qamtýdy ázirlegen. 

2

«Kelýshiler, qyzmetkerler men klıentter úshin nysandarǵa kirý GPS-koordınattardy saqtaýmen mobıldi qosymsha arqyly lokasııadan tys bıometrııalyq eseptegish arqyly baqylanady. Barlyq derekter “bultta” jınalady jáne klıent kez kelgen ýaqytta álemniń kez kelgen núktesinen kirip, óz qyzmetkerleriniń kelý statıstıkasy men saraptamasyn teksere alady», — dedi kompanııa ókili Arman Ernazarov.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar