Úkimet • 31 Qańtar, 2020

A.Mamın sıfrlyq tehnologııa salasynda birqatar usynys aıtty

34 retkórsetildi

Premer-Mınıstr Asqar Mamın Eýrazııalyq úkimetaralyq keńestiń (EÚAK) shaǵyn jáne keńeıtilgen quramdaǵy otyrystaryna qatysyp, olardyń barysynda EAEO keńistigindegi ekonomıkalyq ıntegrasııanyń ózekti máselelerin sheshý boıynsha birqatar bastamalar kóterdi. Bul týraly Premer-Mınıstrdiń baspasóz qyzmeti habarlady.

A. Mamın qazaqstandyq tarap bastamashy bolǵan Kedergilerdi joıý tártibine túzetýlerdi jedeldetip kelisý qajettigine basa nazar aýdardy, bul júginýlerdiń qarastyrylý prosesin 3 aıǵa deıin jyldamdatýǵa múmkindik beredi.

«Búginde kelisilgen kedergiler tizilimi júrgizilip jatyr. Onda 68 kedergi kórsetilgen. Biz 3 jyl buryn bul tizilimdi 60 kedergiden bastaǵan bolatynbyz. Bul kórsetkishti azaıtýdyń ornyna, biz ókinishke oraı, jańa kedergiler týyndatyp nemese olardy joıýdy kópke sozyp jyldan-jylǵa olardyń sanyn kóbeıtip kelemiz», dedi A. Mamın.

Qazaqstan Úkimetiniń basshysy 2021 jyldyń sońyna deıin EAEO elderinde júrgiziletin memlekettik satyp alýlardy tolyq elektrondy formatqa kóshirýdi usyndy.

«Elektrondyq sıfrlyq qoltańbalardy ózara moıyndaý arqyly elektrondy formatta júrgiziletin memlekettik satyp alýlarǵa qatysýdy qamtamasyz etý – memlekettik satyp alýlar naryǵyn damytýdyń maqsattarynyń biri», dedi A. Mamın.

Premer-Mınıstr EAEO týraly shartqa básekelestiktiń jalpy erejelerin buzǵan jaǵdaıda bızneske keltirilgen zalaldyń ornyn toltyrý boıynsha ózgerister engizýdi pysyqtaý bastamasyn kóterdi.

«Búginde EAEO quqyǵyna sáıkes, básekelestiktiń jalpy erejelerin buzǵan kezde sharýashylyq júrgizýshi sýbektige aıyppul salynǵan jaǵdaıda aıyppul buzýshylyq jasaǵan sharýashylyq sýbektisi tirkelgen eldiń bıýdjetine aýdarylýy tıis. Bul rette zardap shekken tarap zalaldyń ornyn toltyrý múmkindiginen aıyrylady», dedi A. Mamın.

Qazaqstan Úkimetiniń basshysy EAEO aıasynda sıfrlyq ekonomıka men qazirgi joǵary tehnologııaly salalardy damytý, sondaı-aq pırattyq ónimdermen kúresýdiń birlesken tásilderin ázirleý boıynsha birlesken jumystardy kúsheıtý qajettigin atap aıtty. 

Otyrysqa qatysýshylar 2025 jylǵa deıingi eýrazııalyq ekonomıkalyq ıntegrasııany damytýdyń strategııalyq baǵyttary jobasyn ázirleý, EAEO ishki naryǵynyń jumysy aıasynda kedergilerdi joıý, ulttyq aqparattyq júıeler ıntegrasııasy, EAEO-ǵa múshe memleketter arasynda ulttyq valıýtadaǵy ákelim keden salyqtaryn aýdarý úshin esepteý-klırıng júıesin engizý, alkogol naryǵyn retteý týraly kelisim jobasyn daıyndaý, EAEO sıfrlyq kólik dálizderiniń ekojúıesin qalyptastyrý jáne basqa da máseleler boıynsha jumys barysyn qarastyrdy. 

EÚAK otyrystarynyń qorytyndysy boıynsha tıisti sheshimderge, ókimder men tapsyrmalarǵa qol qoıyldy.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar