Qazaqstan • 31 Qańtar, 2020

Altaı Kólginov Baıqońyr aýdanynyń turǵyndarymen kezdesti

43 retkórsetildi

Altaı Kólginov Baıqońyr aýdany ákiminiń turǵyndarmen esepti kezdesýine qatysty. Kezdesýde eldi mekenderdi damytý, eski jáne apatty úılerdi buzý, sanıtarlyq tazalyq, áleýmettik obektilerdiń qurylysy, úlesti qurylys máseleleri aıtylyp, talqylandy. «Erkin formattaǵy» kezdesýler memleket basshysynyń «Halyq únine qulaq asatyn memleket» tujyrymdamasyn júzege asyrý aıasynda ótti. Bul týraly Nur-Sultan qalasy ákimdiginiń baspasóz qyzmeti habarlady.


«Osydan bir aıdaı ýaqyt buryn biz ózderińizben kezdesken edik. Turǵyndar aýdandy damytýǵa qatysty mańyzdy suraq-saýaldaryn ortaǵa salǵan bolatyn. Úkimettiń keńeıtilgen otyrysynda Prezıdent qalany damytý jóninde jáne ómir sapasyn jaqsartý boıynsha birqatar tapsyrma berdi. Ásirese eldi mekender men jeke sektorlardy damytýǵa, áleýmettik, turǵyn úı, kólik ınfraqurylymymen qamtamasyz etýge basa mańyz berdi. Máselen aıta keter bolsaq, byltyrǵy jyly «Nurly jer» baǵdarlamasy boıynsha 8 eski úıdiń turǵyndary ıaǵnı 90-nan astam otbasy jańa páterge kóshti. Munaı bazasyna jaqyn ornalasqan 39-shy razezd turǵyndarynyń barlyǵyna derligin jańa úıge kóshirdik. Álbette, bul jumystardyń barlyǵy aldaǵy ýaqytta jalǵasyn tabady», dedi elorda ákimi Altaı Kólginov.

Baıqońyr aýdanynyń turǵyndary sondaı-aq uzaqqa sozylǵan úlesti qurylysty da kóterdi. Elorda ákimi úlesti qurylystyń uzaqqa sozylýynyń negizgi máseleleri – qurylys salýshylar men úleskerler arasyndaǵy sot isi daý-damaılary, jobalyq-smetalyq qujattar men saraptamanyń, qarjylyq jáne tehnıkalyq aýdıttiń joqtyǵy ekenin atap kórsetti.

«Búgingi tańda elordada 12,5 myńnan astam úlesker bar, ıaǵnı jıyntyǵy 42 obekti. Biz shynaıy kórinisti óz kózimizben kórý úshin áriptesterimizben birge ár obektige baryp araladyq. Problema óte kóp. Keı jerde tek shuńqyr ǵana, keıbiri bir páterdi bireneshe ret satqan, tehnıkalyq qabattar men turaqtar páter retinde satylǵan. Osyǵan qaramastan biz qarqyndy túrde jumys júrgizip jatyrmyz. Árbir aıaqtalmaǵan úlesti qurylys boıynsha kezeń-kezeńimen is-sharalar jospary jasalyndy. 2019 jyly 10 turǵyn úı keshenin (11 úı) paıdalanýǵa berdik.  Osylaısha 2,5 myńnan astam úlesker óz qujattaryn rásimdep, óz páterlerine kirdi», dedi elorda ákimi Altaı Kólginov.

Sonymen qatar aýdan turǵyndary kósheni jaryqtandyrý, jyly aıaldamalar salý, ishkikvartal aralyq kóshelerdi qardan tazartý, aýlalardy abattandyrý syndy máselelerdi sheshýdi surady.  Baıqońyr aýdanynyń ákimi Nurbol Nursaǵatovtyń aıtýynsha bilim obektileri boıynsha máseleler bar, 2020 jyly Baıqońyr aýdanynyń S. Seıfýllın – Syrdarııa kóshesinde bir mekteptiń qurylysy jáne qoldanystaǵy bilim ordasynyń aýmaǵynda 3 korpýstyń qurylysy bastalmaq» delingen habarlamada.



Sońǵy jańalyqtar

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

COVID-19 – Qazaqstanǵa jańa synaq

Koronavırýs • Búgin, 11:59

Qazaly aýdany karantınge jabyldy

Aımaqtar • Búgin, 11:53

Qytaı aza tutý kúnin jarııalady

Álem • Búgin, 11:49

Uqsas jańalyqtar