Aımaqtar • 31 Qańtar, 2020

M. Áıtenov Highvill Kazakhstan kompanııasynyń ókilderimen kezdesti

113 retkórsetildi

Murat Áıtenov Highvill Kazakhstan ınvestısııalyq-qurylys kompanııasynyń ókilderimen kezdesti. Taraptar «Shymkent City» jobasyna qatysty birqatar máselelerdi pysyqtap, alda atqarylatyn jumystardy saralady. 

«Shymkent City» aýmaǵynda turǵyn úı qurylysyn bastaǵan koreıalyq kompanııa ókilderi qala basshysyna atqarylyp jatqan jumystar jaıyn baıandap, turǵyn úı kesheni boıynsha jobalarymen tanystyryp ótti.

Investısııa quny - 1 mlrd. 350 mln. AQSh dollaryn quraıtyn bul joba boıynsha atalǵan qalashyqta kompanııa 7 myńnan astam páter bolatyn turǵyn úı keshenin salatyn bolady. Búgingi kúnge turǵyn úılerdiń jer qazba jumystary júrgizilýde.

Sheteldik ınvestorlarǵa turǵyn úı qurylysyn júrgizýde eshqandaı kederginiń bolmaıtynyn aıtqan qala basshysy turǵyn úıdiń sapasynan bólek, onyń seısmıkalyq jaǵdaıǵa da tózimdi bolýyn eskerý qajet ekenin aıtty.

Aıta keteıik, «Shymkent City» – megapolıstiń soltústik aımaǵynda ornalasqan, 12 oramnan turatyn shaǵynaýdan. Onda turǵyn úı men bıznes ortalyqtarynan bólek, saýda oryndary, emhana, oıyn-saýyq ortalyǵy, gúlzar men demalys aımaǵy bolady dep josparlanǵan.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar