Qazaqstan • 31 Qańtar, 2020

Ǵalymjan Meldeshov: Álipbı jeke adamnyń avtorlyǵymen qurastyrylmaıdy

135 retkórsetildi

Mádenıet jáne sport mınıstrligi Til saıasaty komıtetiniń tóraǵasy Ǵalymjan Meldeshov óz baıandamasynda qazaq tiliniń latyn grafıkasyna kezeń-kezeńimen kóshý barysy týraly aıtty. Bul týraly Mádenıet jáne sport mınıstrliginiń baspasóz qyzmeti habarlady.

«Qazaqstan Respýblıkasy Prezıdenti Qasym-Jomart Toqaevtyń álipbıdi jetildirý týraly tapsyrmasyn iske asyrý maqsatynda Mınıstrlik josparly jumystar júrgizip jatyr. Osy oraıda qazir áleýmettik jelide «mınıstrlik kelip túsken 8 nusqanyń ishinen birin tańdap alady eken» degen aqparttyń jalǵan ekenin aıta ketsem deımin. Shyndyǵynda biz kelip túsken 40-tan astam nusqany jan-jaqty qarap, ár qaısysynyń ǵylymı saraptamasyn jasap, talqyǵy salyp, múmkindiginshe jaýap berdik.

Úkimet janynda Ulttyq komıssııaǵa qarasty 4 jumys toby bar. Ár topta beldi degen ǵalymdarmen kelise otyryp, ortaq nusqany ázirlep usyndyq. Qazir ony halyqaralyq Unicode standartyna sáıkestendirý boıynsha jumystar júrgizilip jatyr. Jalpy 2019 jyldyń aqpan aıynan bastap jeltoqsannyń sońyna deıin ǵalymdar men mamandar álipbı, onyń emle erejeleri máselelerin talqylaýǵa arnalǵan 11 otyrys ótkizildi. Osyndaı talqylaýlar barysynda álipbıdegi keıbir dybystardyń tańbalanýynda jazylym men oqylymda qolaısyzdyq týdyratyn tańbalar bar ekendigi anyqtaldy.

Qoryta kele, álipbı jeke adamnyń avtorlyǵymen qurastyrylmaıdy. Ony sala mamandary, fılolog-ǵalymdarymyz túzep, ortaq sheshimge kelip, usynatyn bolady», dedi Ǵalymjan Meldeshov.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar