Parlament • 31 Qańtar, 2020

Senatorlar avtokólik ıelerin quqyǵyn qorǵaý máselelerin kóterdi

3878 retkórsetildi

Qazaqstan Respýblıkasy Parlamenti Senatynda Konstıtýsııalyq zańnama, sot júıesi jáne quqyq qorǵaý organdary komıtetiniń múshesi Andreı Lýkınniń tóraǵalyq etýimen Eýrazııalyq ekonomıkalyq odaq elderinen ákelingen avtokólikterdi ýaqytsha tirkeý máselesi boıynsha jumys kezdesýi boldy. Bul týraly Parlament Senatynyń baspasóz qyzmeti habarlady.

Depýtattar osy jaǵdaı boıynsha tıisti organdardyń azamattar arasynda aqparattyq-túsindirý jumystaryn ýaqytynda júrgizbegenine nazar aýdardy.

Quqyq qorǵaý organdarynyń Armenııa jáne Qyrǵyzstannan ákelingen avtomobılderdi kedendik rásimdeý týraly úndeýi jurtshylyq arasynda narazylyq týǵyzǵan bolatyn. Kedendik rásimdeýge EAEO elderiniń kedendik bajdary arasyndaǵy aıyrmashylyq, kádege jaratý jınaǵy, avtomobıl qunynyń 12% bolatyn qosymsha qun salyǵy (kólik ıesi ár kólik úshin 2 mln.teńgeden astam tólenýi tıis) jatady. Kólik ıeleri osyǵan baılanysty ár aımaqta jınalyp, memlekettik organdarǵa narazylyqtaryn bildire bastady.

Qazaqstanda búgingi tańda shet elderde esepte turǵan 200 myńnan astam avtomobıl paıdalanylyp otyr.

Respýblıkalyq mańyzy bar avtomobıl joldaryn qysta kútip ustaýǵa qysqy tehnıkanyń tolyq ázir bolmaǵany týraly másele ýákiletti kompanııaǵa qatań qoıyldy.

Kezdesý qorytyndysy boıynsha EAEO elderinen ákelingen avtokólik quraldaryn ýaqytsha tirkeýge oraı qalyptasqan jaǵdaıdy jaqsartý jóninde  Parlament Senatyna zańnamalyq usynystar berý ýákiletti memlekettik organdarǵa tapsyryldy.

Sharaǵa ishki ister, qarjy, ekologııa, geologııa jáne tabıǵı resýrstar, saýda jáne ıntegrasııa, ındýstrııa jáne ınfraqurylymdyq damý, ádilet mınıstrlikteriniń, sondaı-aq «QazAvtoJol» UK» aksıonerlik qoǵamy men Respýblıkalyq notarıattyq palatanyń ókilderi qatysty.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar