Qazaqstan • 31 Qańtar, 2020

Zarema Shaýkenova: EAEO ekonomıkalyq baılanystardyń jaqsarýyna yqpal etedi

372 retkórsetildi

EAEO múshe memleketterdiń ulttyq ekonomıkalaryn jan-jaqty jańǵyrtý, kooperasııasy jáne básekege qabilettiligin arttyrý maqsatynda qurylǵan. Prezıdent janyndaǵy Qazaqstannyń strategııalyq zertteýler ınstıtýtynyń (KAZISS) dırektory Zarema Shaýkenova pikirimen bólisti. 

«Qazaqstannyń biregeı geografııalyq ornalasýy jáne ekonomıkalyq áleýeti ıntegrasııalyq birlestik aıasynda onyń turaqty damýyna yqpal etedi jáne negizgi maqsat – kapıtaldyń erkin qozǵalysyn senimdi iske asyrýǵa múmkindik beredi», dedi ol.

Onyń aıtýynsha, EAEO qatysýshy elderdiń syrtqy ekonomıkalyq qyzmetten de, ishki ekonomıkalyq prosesterden de sınergetıkalyq áserge qol jetkizýi úshin qolaıly jaǵdaılar jasaıdy. Máselen, alǵashqy bes jyldyń qorytyndysy boıynsha makroekonomıkalyq kórsetkishterdiń edáýir ósimi baıqalady. EAEO jalpy ishki ónimi satyp alýshylyq qabiletiniń parıteti boıynsha (SQP boıynsha JIО́) 13%-ǵa, turǵyndardyń jan basyna shaqqandaǵy JIО́ 12%-ǵa artty, jumyssyzdyq deńgeıi 12%-ǵa qysqardy, negizgi kapıtalǵa ınvestısııalar 19%-ǵa kóterildi. 

Qazirgi jaǵdaılarda Qazaqstan úshin syrtqy seriktestermen turaqty ekonomıkalyq baılanystardy damytý — ekonomıkalyq damýdyń mańyzdy vektory. EAEO bul kontekste eksporttyq áleýetti ósirý úshin keń múmkindikter men perspektıvaly baǵyttary ashady, bul túptiń túbinde qazaqstandyqtardyń ál-aýqatynyń deńgeıinen kórinis tabady. 

Árbir eldiń ıntegrasııa negizinde óz basymdyqtary bar. Qazaqstan úshin bul — biryńǵaı keden normalary bazasynda eksportty jeńildetý, salyqsyz saýda, álemniń basqa makroekonomıkalyq aımaqtaryna shyǵýmen jahandyq kólik toraptaryna ıntegrasııa.  

EAEO aıasynda qol qoıylǵan kelisimder Qazaqstannyń basqa aımaqtardaǵy eldermen ekonomıkalyq baılanystarynyń jaqsarýyna yqpal etedi. Mysaly, 2016 jyly EAEO elderi Vetnammen erkin saýda aımaǵy týraly alǵashqy kelisim jasady. Máselen, Qazaqstannyń Vetnammen taýar aınalymynyń jyl saıynǵy ósý qarqyny 2016 jáne 2018 jyldar aralyǵynda 13%-ǵa jýyqty qurady. 2019 jyldyń 7 aıynyń qorytyndysy boıynsha Qazaqstan Respýblıkasynyń Vetnammen taýar aınalymy $246 mln asady, bul 2018 jylǵy uqsas kezeńniń kórsetkishterinen 2%-ǵa artyq. 

Ońtústik Shyǵys Azııadaǵy asa iri saýda haby Sıngapýrmen erkin saýda aımaǵy týraly kelisim óńdeý ónerkásibindegi otandyq ónimniń bolýyna múmkindik beredi. 2018 jyly Sıngapýrmen taýar aınalymy $522 mln asqanyn jáne 2016 jylmen salystyrǵanda 6 esege jýyq artqanyn atap ótken jón. Qazaqstannyń Sıngapýrmen taýar aınalymynyń úles salmaǵy 2018 jyly ASEAN múshe memleketterdiń taýar aınalymynyń jalpy kóleminen 37,4% qurady.  

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar