Aımaqtar • 01 Aqpan, 2020

Jelaevta 40 jyl kútken bala baqsha ashyldy

153 retkórsetildi

Oral qalasyna qarasty eldimekenderdegi balabaqsha máselesi týraly buryn da sóz qozǵaǵan bolatynbyz. Qala irgesindegi 2 myńnan asa turǵyny bar Jelaev aýyly da búginge deıin mektep ishindegi shaǵyn ortalyqty qanaǵat etip kelgen.

Jelaev turǵyndary osy balabaqshany 40 jyl kútipti. Buǵan deıin ákimderdiń halyqpen kezdesýinde aıtylǵan amanat aqyry oryndaldy. Aýyldan arnaıy ǵımarat tańdalyp, úsh aı ishinde tolyq jóndeýden ótken. Kommýnıkasııa jelileri tartylyp, mektepke deıingi mekemege qajetti barlyq quralmen jabdyqtalǵan ǵımaratqa endi 2 jastan joǵary búldirshinder qabyldanatyn boldy. Munda oıynalańdary, demalys bólmeleri, akt zaly, sport zaly, ádistemelik kabınet, medısınalyq qyzmet bólmesi, ızolıator, tamaq pisiretin oryn – bári bar.

- Bıyl qala boıynsha mektepke deıingi uıymdardyń jumysyn keńeıtýdi qolǵa alyp otyrmyz. Iаǵnı, qazirgi ýaqytta bos turǵan, paıdalanylmaı jatqan ǵımarattardy halyq ıgiligine beıimdeý baǵytyndaǵy jumystar jalǵasady. Qalamyzda osyndaı birneshe balabaqsha ashylady. Jaqynda ortalyqtan buryn balabaqsha bolǵan, keıin basqa maqsatta paıdalanylǵan ǵımaratty qaıtadan beıimdep, jeke ınvestısııany tartý arqyly 280 oryndyq balabaqsha ashýdy kózdep otyrmyz. Munyń barlyǵy memlekettiń qoldaýymen, memlekettik baǵdarlamalardyń arqasynda kishkentaı búldirshinderimiz úshin zamanǵa saı tálim-tárbıe, sapa bilim berý úshin júzege asyrylyp jatyr. Qurmetti ata-analar, buryn balalaryńyzdy mektepke aparyp júrdińizder, endi mine, búldirshinderge arnalǵan balabaqsha bólek ǵımaratqa ıe boldy. Bul balabaqsha úlken tárbıe ortalyǵyna aınalyp, osy jerden túlep shyqqan búldirshinderimiz eldiń betke ustar azamattary bolýyna tilektespin! – dedi aýyldyqtardyń qýanyshyn bólisken Oral qalasynyń ákimi Abat Shynybekov.

Búginde Oral qalasynda mektepke deıingi uıymdarda 15 myńnan astam búldirshin tárbıelenip jatyr. Jalpy oblys ortalyǵynda mektepke deıingi 135 uıym bolsa, onyń 50-i – memlekettik, 50-i – jekemenshik, al qalǵany shaǵyn ortalyq retinde jumys istep tur.

 

Batys Qazaqstan

Sońǵy jańalyqtar

Elordada jataqhana karantınge jabyldy

Aımaqtar • Búgin, 22:05

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar