Prezıdent • 01 Aqpan, 2020

Qazaqstan Prezıdenti RF Úkimetiniń Tóraǵasy Mıhaıl Mıshýstınmen kezdesti

125 retkórsetildi

Qasym-Jomart Toqaev Mıhaıl Mıshýstındi Reseı Úkimetiniń tóraǵalyǵyna taǵaıyndalýymen quttyqtap, Reseı Federasııasymen aradaǵy ekijaqty yntymaqtastyqtyń strategııalyq jáne odaqtastyq qatynastardy odan ári tereńdete berýdiń mańyzdylyǵyn atap ótti. Bul týraly Aqordanyń baspasóz qyzmeti habarlady.

– Siz Úkimet Tóraǵasy retindegi alǵashqy sheteldik saparyńyzdy Qazaqstanǵa jasap otyrsyz. Bunyń sımvolıkalyq máni bar ári bizdiń Eýrazııalyq ekonomıkalyq odaq aıasyndaǵy strategııalyq yntymaqtastyqty jáne ózara is-qımyldardy damytý turǵysynan da mańyzy zor, – dedi Prezıdent.

Kezdesýde 31 qańtar kúni Almaty qalasynda Eýrazııalyq ekonomıkalyq odaqty odan ári damytýdyń ózekti máseleleri talqylanǵan Eýrazııalyq Úkimetaralyq Keńes otyrysynyń  qorytyndylary sóz boldy.

– Eýrazııalyq Úkimetaralyq Keńestiń otyrysyna qatysqanyńyzdy bilemin. Onda búgingi kúnniń óte ózekti máselesi – sıfrlandyrý talqylandy. Qazaqstan bul ispen belsendi aınalysýda. Dál osy sala boıynsha sizderdiń tájirıbelerińiz mol. Sondyqtan yntymaqtastyqqa nıettimiz, – dedi Memleket basshysy.

Qazaqstan Prezıdenti qabyldanǵan kelisimder Eýrazııalyq ekonomıkalyq odaqtyń órkendeýine tyń serpin beretinine senim bildirdi.

Osy oraıda Qasym-Jomart Toqaev taýar aınalymynyń, qyzmet kórsetýdiń, kapıtal jáne jumys kúshiniń erkin qozǵalysyn qamtamasyz etý úshin kedergilerdi birtindep joıý sharalaryn qabyldaý qajettigin atap ótti.

Reseı Premer-Mınıstri Memleket basshysyna Nur-Sultan qalasyna saparlap kelýge múmkindik jasaǵany úshin alǵys bildirdi.

– Reseı men Qazaqstandy baýyrlastyq, seriktestik jáne odaqtastyq qarym-qatynastar baılanystyrady. Saýda-ekonomıkalyq jáne ınvestısııalyq ózara is-qımyldar qarqyndy damyp, aımaqaralyq baılanystar men iskerlik toptardyń qarym-qatynastary nyǵaıyp keledi. Eýrazııalyq ekonomıkalyq ıntegrasııalar prosesinde, UQShU, TMD, ShYU jáne basqa da kópjaqty baılanystarda bizdiń elderimiz jetekshi ról atqarady, – dedi Mıhaıl Mıshýstın.

Reseı Úkimetiniń Tóraǵasy Qazaqstan Prezıdentine Vladımır Pýtınniń sálemin jetkizip, 2020 jyldyń 9 mamyr kúni Máskeý qalasynda ótetin Jeńis kúnine arnalǵan sharaǵa qatysýǵa shaqyrdy.

– Jeńistiń 75-jyldyǵyna shaqyrýdy úlken yqylaspen qabyldap, dál sol kúni Qyzyl Alańda ótetin Jeńis paradyn tamashalaýǵa baramyn. Bul bizdiń ortaq merekemiz, – dedi Qasym-Jomart Toqaev.

Taraptar Qazaqstan men Reseı arasyndaǵy yqpaldastyqtyń basym baǵyttaryn, atap aıtqanda, Jaıyq transshekaralyq ózeniniń sý resýrstaryn tıimdi paıdalaný jáne ekologııa máselelerin talqylady.

Qazaqstan Prezıdenti ekijaqty saýda-ekonomıkalyq jáne mádenı-gýmanıtarlyq baılanystardy odan ári nyǵaıtý maqsatynda eki el Úkimetteriniń tyǵyz jumys isteýi qajet ekenin aıtty.

Memleket basshysy bıyl kúzde Kókshetaýda ótetin, ekologııa máselelerine arnalǵan XVII Aımaqaralyq yntymaqtastyq forýmyna Reseı Prezıdenti Vladımır Pýtınniń qatysatynyna senim bildirdi. 

Sońǵy jańalyqtar

Tasqynǵa – tosqyn

Aımaqtar • Búgin, 13:25

Qazaqstanda koronavırýstan 55 adam aıyqty

Koronavırýs • Búgin, 12:50

Qaıyqshy atanyń hıkaıasy

Rýhanııat • Búgin, 12:39

Jyl basynan beri zeınetaqy eki ret ósti

Ekonomıka • Búgin, 11:30

Qaraquıryqty atqan qoryqshy ustaldy

Aımaqtar • Búgin, 10:54

Toıdyń sońy topyrlaǵan aýrý

Aımaqtar • Búgin, 10:22

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Kıeli kitaptar: tyıymdar ne úshin jasalady?

Rýhanııat • Búgin, 05:34

Aqırekte – Arystan bab...

Tanym • Búgin, 05:33

Uqsas jańalyqtar