Qoǵam • 01 Aqpan, 2020

Elordada 700-den asa jas jaýynger ant qabyldady

71 retkórsetildi

Búgin Nur-Sultan qalasynyń irgesinde ornalasqan Úrker kentindegi Ulttyq ulannyń 5573 áskerı bóliminde ant qabyldaý rásimi ótti. Bul týraly uıymnyń baspasóz qyzmeti habarlady.

О́tken jyldyń jeltoqsanynda elimizdiń barlyq óńirinen jınalǵan jas shaqyrylym sarbazdary 45 kúndik arnaıy daıyndyqtan ótip, Otan qorǵaýshylar qataryn tolyqtyryp otyr.

Jaýyngerlerdi quttyqtaýǵa astana ákiminiń orynbasary, quqyqtyq tártip áskeriniń ardagerleri men sarbazdardyń 2800-den asa ata-ana, jaqyndary keldi.

Ulttyq ulannyń jedel quramasy elorda turǵyndary men qonaqtarynyń senimdi qalqanyna aınaldy. Áskerı bólimniń jeke quramy kúndelikti qyzmetimen bas qalamyzdyń tynyshtyǵy men turaqtylyǵyn qamtamasyz etip keledi, - dedi Nur-Sultan qalasy ákimniń orynbasary Nurlan Nurkenov.

Ásker ardageri zapastaǵy general-maıor Dáýlet Salhanov ulandyqtardy mańyzdy qadammen quttyqtasa, qurama komandıri polkovnık Sákentaı Shekarbekov jas sarbazdarǵa qyzmette qyraǵy ári jaýapty bolý kerektigin basa aıtty. Al barsha ata-analar atynan Qostanaı oblysynan kelgen qatardaǵy Dıas Janahmetovtyń anasy Danagúl Ǵalymjanqyzy aqjoltaı tilegin arnady.

- Perzentterimizdi elimizdiń júregi sanalatyn ásem qala tórinen kórgenimizge óte qýanyshtymyz. Keshe ǵana shańyraqtan shyǵaryp salǵan bozbalalar az ǵana ýaqyt ishinde symdaı tartylyp, sap túzep, el qorǵaýǵa bel býynyp tur. Jaýapkershilik pen senimdilik kórip turmyz janarlarynan. Ulymnyń alǵa shyǵyp, Otan aldyndaǵy boryshyn óteýge bergen sertin estigendegi sezimimdi sózben aıtyp jetkize almaımyn. Qýanysh pen tolqý arpalasyp ketkendeı. Azamattarymyzdyń qalaı el qorǵaıtynyna biz, ıaǵnı analar da jaýaptymyz! – deıdi sarbazdyń anasy.

Ant qabyldaǵan sarbazdar atynan Oral qalasynan kelgen qatardaǵy Talant Jumageldi sóz sóılep, kópshilik aldynda bergen anttaryna adal bolatyndaryn jetkizdi.

Zańdy túrde Otan qorǵaýshy atanǵan olar endi jaýyngerlik qyzmettiń qyr-syryn meńgerip, álemdik, halyqaralyq, respýblıkalyq mańyzy bar saıası-qoǵamdyq, mádenı-kópshilik, sporttyq sharalar men resmık kezdesýler kezinde qaýipsizdikti qamtamasyz etip, kún saıyn qala tynyshtyǵyn qadaǵalaıtyn bolady. 

v

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar