Rýhanııat • 02 Aqpan, 2020

SО́ILE, QOBYZ! - Muhtar Maǵaýınge

509 retkórsetildi

Búgin - Qazaqstannyń halyq jazýshysy, Memlekettik syılyqtyń laýreaty, qazaq ádebıetiniń asa kórnekti ókili Muhtar Maǵaýınniń 80 jasqa tolǵan mereıtoıy.

– Sóıle, Muhtar Maǵaýın!

Qarashanyń yzǵary –

nury taıǵan qarashyq.

Kisinep tur besti aıǵyr úıirinen adasyp.

Qara qobyz saryny muhıttarǵa janasyp,

Alty qyryń beride.

bes qurylyqtan ári asyp...

 

Azynasa qý taqtaı júrekke uǵar til berdi,

Shyńǵys hannyń  quıqasy shymyr etip úlgerdi...

... Armandynyń armanyn zamandardan zarlatyp –

Jalǵan kúnniń jalǵanyn Sizden ózge kim kórdi?!

 

Toǵyz qanat aq orda qońyr salqyn dep qaldym,

Qarashanyń yzǵary qaı jaǵymnan kep qaldyń?..

Ishigińiz aǵataı,

Handar kıer bulǵynnan –

Kók muzda da jaýratpas aq qarynda aqpannyń.

 

Almas qylysh jarq etse,

qolyńda altyn baldaǵy,

qalamyńnyń ushynda arystardyń armany.

... Kók bóriniń terisi sypyrylyp tirideı

 

Qara qaıys qoldaǵy –

Endi bizge qalǵany.

 

Baıansyz bop baıtaqtyń tarqaǵanda bazary,

ańnan,

álde adamnan Joshy hannyń ajaly?..

... Ket – Buǵadaı kún keshtiń,

ǵasyrlarmen úndestiń –

qara qobyz zar qussa,

qyly, shegi nazaly.

 

«– Teńiz bastan bulǵansa, kim tundyrar, aǵasy,

Terek túpten jyǵylsa, kim turǵyzar, aǵasy.»

... Qamqa tonnyń jaǵasy,

artyp týǵan baǵasy –

Siz, ne deısiz, aǵasy –

eki dúnıe arasy...

 

Bul zamannyń kim bilsin ulysy kim, irisi,

túnek bolyp ketedi túp izdeseń tún ishi.

... Qobyz alsań qolyńa emis-emis estiler –

Aırylysqan aqqýdyń sherge  toly dybysy ...

 

Qara qobyz sarnasa

zaryn tyńdap úlgerem,

Bult astynda býlyǵyp jarq etetin kún kórem.

... Tábııaǵa jaratqan kúpshek sandy kúreńim –

Qasqa aıǵyrdyń úıiri bolmaıdy eken kil beren.

 

Sarynyna qosa ma,

Shyńǵystaýdy,

Semeıdi,

Úzik-úzik bir eles qoltyǵymnan demeıdi.

asyldardyń óleńi,

ǵasyrlardyń bederi –

Qara qobyz ne dedi,

Qara qobyz ne deıdi?!

– Sóıle, Muhtar Maǵaýın!

 

Ǵalym JAILYBAI

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar