Qazaqstan • 02 Aqpan, 2020

A. Kólginov: «Abý-Dabı Plaza» qurylysyn ýaqytynda aıaqtaý qajet

71 retkórsetildi

Elorda ákimi Altaı Kólginov «Abý-Dabı Plaza» kópfýnksıonaldy kesheniniń qurylys barysyn tekserdi. Bul týraly ákimdiktiń baspasóz qyzmeti habarlady.

Keshen Elbasy - QR Tuńǵysh Prezıdenti Nursultan Nazarbaevtyń tapsyrmasy sáıkes salynyp jatyr. Joba ókilderimen kezdesý barysynda qala ákimi qurylysty merziminde aıaqtaý qajettigin atap ótti.

«Qurylys qarqyny baıaý júrdi. Osy faktorlardy eskere otyryp, men Birikken Arab Ámirlikterinde sizdiń basshyńyzben kezdestim. Sheteldik sapar barysynda Memleket Basshysy Qasym-Jomart Kemeluly «Aldar Properties» kompanııasy dırektorlar keńesiniń tóraǵasy Muhammad ál Mýbarakpen kezdesti. Kezdesýlerden keıin kompanııa basshylyǵy bizge óz ókilin jiberdi. Jumys qarqynyn jyldamdatý qajet. Nysandy ýaqytynda aıaqtaý Prezıdenttiń jeke baqylaýynda. Nysan sapaly bolýy qajet», - dedi qala ákimi Altaı Kólginov. 

«Abý-Dabı Plaza» kópfýnksıonaldy kesheni Ortalyq Azııadaǵy eń bıik ǵımarat bolyp tabylady jáne 5 bloktan turady. О́tken jyldyń jeltoqsan aıynda keshenniń saýda-oıyn-saýyq ortalyǵy ashyldy. Jobany 2020 jyly aıaqtaý josparlanyp otyr.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar