Prezıdent • 02 Aqpan, 2020

Qazaqstan Prezıdenti AQSh-tyń Memlekettik hatshysyn qabyldady

252 retkórsetildi

Qasym-Jomart Toqaev «Aqorda» rezıdensııasynda Nur-Sultan qalasyna resmı saparmen kelgen AQSh-tyń Memlekettik hatshysy Maıkl Pompeony qabyldady. Bul týraly Aqordanyń baspasóz qyzmeti habarlady.

Memleket basshysy amerıkalyq dıplomatqa iltıpat bildirip, eki el arasynda dıplomatııalyq qarym-qatynas ornaǵan kezden bastap ekijaqty yqpaldastyqty damytýda mol tabysqa qol jetkizilgenin atap ótti.

– Amerıka Qurama Shtattary – Qazaqstannyń táýelsizdigin alǵashqylardyń biri bolyp moıyndaǵan el. Biz bul tarıhı faktini únemi esimizde ustaımyz. Memleketterimiz arasynda kóptegen baǵyt boıynsha, onyń ishinde, ıadrolyq qarýdy taratpaý, halyqaralyq terrorızmmen kúres jáne ekonomıkalyq yntymaqtastyq sekildi salalarda tyǵyz qarym-qatynas ornaǵan. Sonymen qatar ózara yqpaldastyǵymyzdy odan ári damytý maqsatynda paıdalanýǵa bolatyn áleýetimiz de bar, – dedi Qazaqstan Prezıdenti.

Qasym-Jomart Toqaev Nıý-Iork qalasynda ótken BUU Bas Assambleıasynyń 74-sessııasy kezinde AQSh Prezıdenti Donald Tramppen kezdeskenin atap ótip, Amerıka kóshbasshysyna óziniń sálemin joldady. Sondaı-aq Qazaqstan Prezıdenti amerıkalyq áriptesimen álemniń kez kelgen jerinde kezdesýge daıyn ekenin, degenmen, bul júzdesýdiń Qazaqstanda ótkenin jón sanaıtynyn aıtty.

Taraptar barlyq baǵyt boıynsha, onyń ishinde saýda, ınvestısııa, IT-tehnologııa, demokratııalyq qundylyqtardy ilgeriletý jáne halyqaralyq terrorızmge qarsy is-qımyl salalaryndaǵy ekijaqty baılanystardy tereńdetýdiń mańyzdylyǵyn atap ótti.

Memleket basshysy Qazaqstanda Aýǵanstan boıynsha arnaıy ókil laýazymyn ashýǵa nıetti ekenimizdi aıtty. 

AQSh-tyń syrtqy saıası vedomstvosynyń basshysy Qazaqstan Prezıdentine qonaqjaılyq kórsetkeni úshin alǵysyn aıtyp, eki eldiń ekonomıka, halyqaralyq beıbitshilik pen turaqtylyqty saqtaý baǵyttarynda dástúrli ári senimdi seriktestik qalyptasqanyn jetkizdi.

– Bizdiń ekonomıkalyq baılanystarymyz óte jaqsy. Eki el arasynda tikeleı áýe qatynasyn ashý múmkindigi qarastyrylýda. Energetıkalyq baǵyttaǵy yntymaqtastyqtan bólek, basqa da salalardaǵy baılanystardy órkendetý úshin áleýetimiz zor. Prezıdent Donald Tramp sizge sálem joldady. Búgin osynda ózińizben kezdeskenime qýanyshtymyn, – dedi Maıkl Pompeo.

Amerıkalyq dıplomat Qazaqstannyń «Jýsan» operasııasy aıasynda Taıaý Shyǵystaǵy qaqtyǵys aımaǵynan óz azamattaryn qaıtaryp alǵanyn joǵary baǵalady. Ol elimizdiń Aýǵanstanda beıbitshilik ornatýǵa, onyń ekonomıkasy men adamı áleýetin kúsheıtýge qosqan úlesine toqtaldy.

Maıkl Pompeo elimizde qolǵa alynǵan saıası reformalar jaıynda da jyly pikirin aıtyp, onyń iske asýyna sáttilik tiledi.

Sonymen qatar taraptar óńirlik jáne jahandyq kún tártibindegi ózekti máselelerdi talqylady. AQSh-tyń Memlekettik hatshysy Amerıkanyń Ortalyq Azııaǵa qatysty jańa Strategııasynyń negizgi erejeleri týraly málimet berdi.

Memleket basshysy S5+1 (Ortalyq Azııadaǵy bes el + AQSh) dıalogy formatynyń mańyzdy ekenin atap ótip, onyń 3 aqpanda Tashkentte ótetin kezekti otyrysynyń tabysty bolatynyna senim bildirdi.

Qasym-Jomart Toqaev pen Maıkl Pompeo Áýe qatynastary týraly úkimetaralyq kelisimge qol qoıylǵanyn quptady. Atalǵan qujat «ashyq aspan» qaǵıdattaryna jaýap beredi, sondaı-aq, Qazaqstan men AQSh arasynda turaqty ári tikeleı áýe reısin ashý úshin quqyqtyq negiz qalady.

r

Sońǵy jańalyqtar

«Klassıkter» úshinshi oryn aldy

Sport • Búgin, 06:15

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar