Medısına • 02 Aqpan, 2020

E. Birtanov koronavırýstyń zerthanalyq dıagnostıkasy qalaı júretinin túsindirdi

124 retkórsetildi

Densaýlyq saqtaý mınıstri Eljan Birtanov koronavırýsqa zerthanalyq dıagnostıka qalaı jasalatynyn túsindirdi. 

nCoV-2019 jańa koronavırýsynyń zerthanalyq dıagnostıkasy asa qaýipti ınfeksııalar ulttyq ǵylymı ortalyǵynyń ortalyq referens zerthanasynda (ORZ) DDSU men AQSh-tyń aýrýlardy baqylaý jáne aldyn alý ortalyǵynyń ádistemesine sáıkes Ulttyq bıotehnologııalar ortalyǵymen birlesip Real-Time RT-PCR ádisimen júrgiziledi.

Tynys alý joldarynan, qaqyryq, jótel kezinde bronhtan bólinetin zat, sondaı-aq qan sarysýy analızge alynady.

Sarapshylar pasıentten alynǵan synamany zerthanalyq testileýden ótkizip, koronavırýstyń RNK tekseredi, bul koronovırýstyq ınfeksııany anyqtaýǵa múmkindik beredi.

Barlyq prosedýralar CDC/DDSU hattamasyna sáıkes dıagnostıkalyq júıe boıynsha oryndalady.

Tumaý maýsymyn eskere otyryp, koronavırýstyń sımptomdary baıqalǵan jaǵdaıda, aýrýdyń aldyn alý úshin barlyq pasıentter tumaýǵa, JRVI jáne basqa da koronavırýs túrlerine qarsy qosymsha tekserýden ótedi.

Naýqastardyń teris jáne oń synamalary Densaýlyq saqtaý mınıstrliginiń Qoǵamdyq densaýlyq saqtaý Ulttyq ortalyǵynyń vırýstyq ınfeksııalardy baqylaý jónindegi DDSU akkredıttelgen zerthanasynyń bazasynda qaıta tekserýden ótedi.

Dıagnostıkanyń sońǵy satysy retinde synama DDSU yntymaqtasqan zerthanasyna qaıta jiberiledi.

Koronavırýsqa tapsyrylǵan analız dıagnostıkadan ótkenshe pasıentti medısına qyzmetkerleri táýlik boıy baqylaýda ustaıdy jáne olar medısınalyq mekemelerdiń oqshaýlanǵan bokstarynda bolady.

Qazir ORZ bazasynda koronavırýsqa qarsy 100 synama zertteldi, nátıjesinde vırýs juqtyrǵan adam anyqtalǵan joq.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar