Úkimet • 03 Aqpan, 2020

Kúrdeli jóndeýge 30 mıllıard teńge bólindi

16 retkórsetildi

Ortalyq kommýnıkasııalar qyzmetinde «Qazaqstan Res­pýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» Qazaqstan Respýblıkasy zańynyń negizgi normalaryn túsindirýge arnalǵan baspasóz máslıhaty ótti.

 

Indýstrııa jáne ınfraqu­ry­lymdyq damý birinshi vıse-mınıstri Qaıyrbek О́skenbaev atal­ǵan zań turǵyn úı-kommý­nal­dyq sharýashylyǵy salasyn reformalaýǵa, onyń ishin­de kóptegen normalary je­til­dirý­di qa­jet etetin «Turǵyn úı qatynas­tary týraly» zańyn jetildirýge baǵyttalǵanyn atap ótti.

«Zań jobasy kelesi negizgi máselelerdi sheshýge baǵyttalǵan. «Bir úı – bir birlestik – bir shot» qaǵıdaty boıynsha «múlik ıeleriniń birlestigi» kommer­sııa­lyq emes uıymynyń jańa nysanyn qurý jolymen basqarý organdarynyń qyzmetin retteý. О́zderińiz biletindeı, elimizde Tur­ǵyn úı kommýnaldyq sharýa­shylyǵy máseleleri boıynsha zań qabyldanyp, tıisti normalar kúshine engeli jatyr. TÚKSh degende eń aldymen, PIK jumystaryna qatysty shaǵym­dar óte kóp bolatyn. Sebebi PIK jumysty bastan aıaq ózi atqarady. Iаǵnı, PIK at­qa­rylǵan jumysqa ózi baǵa be­rip, jınalǵan aqshaǵa saı tıisti tólemderdi júrgizip otyratyn. Sol sebepti múlik ıesi men qyz­met kórsetetin kompanııanyń quqy­ǵynyń ara jigin ajyratyp alý kerek boldy. Turǵyndar ózine qyzmet kórsetetin kompanııanyń jumysyna pikirin bildire alady. Osyǵan baılanysty ár úıdiń óz shoty bolý kerek degen sheshimge keldik. Iаǵnı, mundaǵy júıe «Bir úı – bir birlestik – bir shot» bo­ıynsha quralady. Árbir múliktiń menshik ıeleri birlestigi nemese jaı seriktestik ózderiniń aǵymdaǵy jáne jınaq shot­taryn ashatyn bolady. Atalǵan shara páter ıeleri kooperatıvteri jáne basqarýshy kompanııalar tarapynan qyzmetter men ta­rıfterdi turǵyndarǵa kúshtep tańýdy joıýǵa múmkindik beredi jáne turǵyndardyń qarajatyn ashyq jumsalýyn qamtamasyz etedi», dedi Q.О́skenbaev.

Sonymen qatar ol atalǵan zań kondomınıým obektisin tirkeýdi jeńildetetinin aıtty.

«Búginde kóppáterli turǵyn úılerdiń kondomınıým obektisi retinde tirkelýiniń tómen­digi ártúrli sebepter bo­ıyn­sha baıqalady: tirkeý pro­se­dýralarynyń qıyndyǵy, úıge qajetti qujattardyń bolmaýy (tehnıkalyq pasport, jer ýchaske­lerine aktiler jáne basqalary). Qoldanystaǵy 78 myń kóppáterli turǵyn úıdiń tek 21 myńy ǵana (nemese 27 paıyzy) kondomınıým obektisi retinde tirkelgen. Aza­mat­tar­­ǵa jaıly jaǵdaılar jasaý maq­satynda qoldanystaǵy kóp­páterli turǵyn úılerdiń kon­­do­mınıým obektisiniń ortaq múl­kin anyqtaı otyryp, mem­­­leket­tik tehnıkalyq baı­qaýyn qam­­tamasyz etý, mem­leket­­­tik tirkeýge qujat­tardy qalyp­tas­tyrý jáne usyný boıynsha mindettemeler jergilikti atqarý­shy organdarǵa júkteldi jáne jergilikti bıýdjet qaraja­ty esebinen júzege asatyn bolady. Tirkeý prosedýrasy maksımaldy jeńildetilip, óti­nish eki menshik ıesinen beriledi, merzimi 1 jumys kúnine deıin qysqartylyp, obektilerdi tir­keý prosesin avtomattandyrý qarastyrylǵan jáne quqyq bel­gileýshi qujattardyń notarıaldy kóshirmesin usyný alynyp tastaldy», dedi Indýstrııa jáne ınfraqurylymdyq damý birinshi vıse-mınıstri.

Spıkerlerdiń aıtýynsha, zań boıynsha turǵyn úılerge kúrdeli jóndeý jumysynyń tár­tibine de jańa normalar en­gizildi. Birinshiden, bul baǵyt­ta aldaǵy eki jyl úshin respýb­lı­kalyq bıýdjetten 30 mlrd teńgege jýyq qarajat bólingen. Ol úshin jergilikti atqarýshy organdar shuǵyl kúrdeli jóndeýdi talap etetin turǵyn úıler bo­ıyn­sha jobalyq-smetalyq qu­jat­tamalardy ázirleýi kerek. Osydan keıin atalǵan úı­ler­diń turǵyndarymen kelisim jasa­lady. Aıta ketetin jaıt, tur­ǵyn úı kommýnaldyq sharýa­shylyǵy máseleleri boıynsha zań qabyldanyp qoıǵan. Alda­ǵy eki aıdyń ishinde tıisti ju­mys­tar­dyń bári úılestirilip, naýryz aıynan bastap osy zań tártibi boıynsha tıisti jumys bas­talady.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar