Tennıs • 03 Aqpan, 2020

Kortreık: Kortta – Qazaqstan men Belgııa

9 retkórsetildi

6-8 aqpan kúnderi álemniń birqatar qalasynda 16 komandanyń qatysýymen Federasııa kýbogy jolyndaǵy jarystyń irikteý syndary ótedi. Atalǵan týrnırde Qazaqstannyń tennısshileri Belgııa quramasymen sheberlik baıqasady. Bul báseke Lıs ózeniniń jaǵalaýynda ornalasqan tarıhı shahar – Kortreıkte ótedi. Al sol sheshýshi syndaǵy qarsylas komanda jaıynda biz ne bilemiz?

Belgııanyń áıelder qura­ma­sy Federasııa kýbogynda 1963 jyl­­dan beri baq synasýda. Sol ara­­­lyq­ta nebári tórt ret qana (1995, 2014, 2015, 2016) elı­ta­­lyq dıvızıonda óner kór­se­­te alǵan joq. Al qal­ǵan ja­­rys­tar­dyń barlyǵynda olar úz­­diksiz boı kórsetýde. Bul rette qol jet­­kizgen tabys­ta­ry da eleý­li. Atap aıtsaq, 2001 jyly bel­gııa­lyqtar bas júl­de­ni oljalady. Quramynda Kım Kleıs­te­rs, Jıýstın Enen, Els Kallens jáne Lorans Kýrtýa syndy myq­­­tylary bar atalǵan eldiń ókil­­deri aqtyq saıysta Reseı ko­man­­dasynan 2:1 esebimen basym tústi.

2006 jyly da Belgııa tennıs­shi­leriniń Federasııa kýbogyn je­ńip alýyna tamasha múmkindigi boldy. Barlyq qarsylastaryn ońaı eń­sergen olar fınalda Ita­­lııa­men jolyqty. Bul báse­ke 3:2 ese­bimen Apennın túbe­gi­nen kelgen arýlardyń paıdasyna she­shildi. Sonymen qatar belgııa­lyq­­tar toǵyz ret (1970, 1972, 1974, 1975, 1977, 1988, 1997, 2003, 2011) jartylaı fınalda kúsh synasty.

Byltyrǵy jarysta Belgııa qura­masy úzdik segiz komandanyń qa­taryna qosylǵanymen, álemdik toptaǵy týrnırdiń alǵashqy aınalymynda Fransııanyń arýlarynan aılalaryn asyra almady. Esep – 1:3.

Qazirgi kezde «TOP-100» ten­­­nıs­­­­shiniń qataryna atalǵan mem­­­­­le­kettiń úsh ókili enip otyr. So­lar­dyń arasyndaǵy eń myq­­­tysy – Elıze Mertens. Belgııanyń birinshi raketkasy sana­latyn 24 jastaǵy Elıze 2018 jyly Aýs­tralııanyń ashyq birin­shi­­­liginiń jartylaı fınalyna shyqsa, 2019 jyly AQSh-tyń ashyq birinshiliginde úzdik se­giz oıynshynyń qatarynan kó­ri­­ndi. WTA týrnırlerinde bes ret jáne ITF jarystarynda 11 márte jeńimpaz atandy. Osy jarystarda tabysty óner kór­set­keniniń arqasynda 6 mıllıon dollar kóleminde tabys tap­ty. Qazirgi kezde ol álemdik reı­tıngte 14-oryndy ıelenýde. Byltyr Mertens AQSh-tyń ashyq birinshiliginiń juptyq saıy­­synda jeńimpaz atandy.

25 jastaǵy Alıson van Eıt­va­nk álemdik reıtıngte 47-orynda tur. Vılvordeniń týma­sy­nyń eń úzdik kórsetkishi – 2015 jyly Rolan Garrostyń shırek fınalyna deıin jetýi. WTA týrnırlerinde tórt márte jáne ITF jarystarynda 12 ret top jardy.

Belgııanyń úshinshi raket­ka­sy Kırsten Flıpkens – óte tájirı­beli oıynshy. 34 jas­ta­ǵy ten­nısshi 2013 jyly Ýımbl­don­nyń jartylaı fına­lyn­da óner kór­setip, «TOP-15» oıyn­shy­nyń qataryna qosyl­ǵan. Olardan bó­lek, Isalın Bona­van­tıýr (álemniń 115-raketkasy), Grete Mınnenen (álemniń 119-raketkasy) jáne Iаnına Vıkmaıerdi (álem­niń 147-raketkasy) atap ótý­ge bolady. Olar da talaı dúr­mekti kórgen saqa sportshylar. Mine, Federasııa kýbogy jo­lyn­daǵy jarystaǵy Qazaqstan qu­ra­masyna qarsylas komanda atanǵan jaıynda qysqasha máli­met­ter osyndaı.

Al atalǵan jarystyń ózge irik­teý básekelerinde myna komandalar ózara sheberlik baıqasady: AQSh-Latvııa, Nıderland-Be­la­rýs, Rýmynııa-Reseı, Bra­zı­lııa-Germanııa, Ispanııa-Ja­po­nııa, Shveısarııa-Kanada jáne Slovakııa-Ulybrıtanııa.

 

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Uqsas jańalyqtar