Álem • 03 Aqpan, 2020

BUU: Shyǵys Afrıkadaǵy shegirtkelermen kúresýge shaqyrdy

11 retkórsetildi

BUU halyqaralyq qaýymdastyqty Shyǵys Afrıkany basyp alǵan shegirtkelermen kúresýge shaqyrady.

Azyq-túlik jáne aýyl sharýashylyǵy uıymy (FAO) azyq-túlik qaýipsizdigine jáne tipti ashtyq tónýi múmkin degen qaýip týraly eskertedi.

Kenııa, Efıopııa jáne Somalı óz jolynda kezdesken barlyq ósimdikterdi jeıtin osy jándikterdiń buryn-sońdy bolmaǵan shabýylymen kúresip jatyr. 

FAO, sonymen qatar, maýsymǵa deıin jándikter sany 500 ese artýy múmkin ekenin eskertedi.
Efıopııa men Somalıde sońǵy 25 jylda eshbir tirkelmegen, al Kenııada osy kólemdegi shegirtkeler sońǵy ret 70 jyl buryn paıda bolǵan. Shegirtkeler Ýganda men Ońtústik Sýdanǵa da qaýip tóndiredi.
Shól shegirtkeleri táýligine menshikti salmaǵyna teń mólsherde tamaq ishedi.

1

Zııankesterdiń taralý deńgeıi, sondaı-aq, shegirtkeler bultynyń mólsheri normadan áldeqaıda joǵary, sondyqtan jergilikti bıliktiń ózi bul qaýipke tótep bere almaıdy.

FAO málimetteri boıynsha bárin jeıtin jándikter tobymen kúresýdiń jalǵyz joly - ushaqtardan ınsektısıdterdi shashyratý.
Iemende paıda bolǵan shegirtkeler sodan keıin Qyzyl teńiz arqyly Efıopııa men Somalıge ushqan. Al 2019 jyldyń aıaǵyndaǵy nóser jańbyr shegirtkelerdiń odan ári taralýyna jaǵdaı jasaǵan.

Osy jyldyń sońynda bul másele odan beter qaýipti jaǵdaıǵa aınalýy múmkin. Qazir Iran, Pákstan jáne Úndistanda shegirtkeler kóbeıip keledi jáne kóktemniń bastalýymen bul jerde úlken toby paıda bolýy múmkin.

Shegirtkeler kúnine 150 shaqyrymǵa deıin júre alady.

2

Qarashada BUU Efıopııaǵa da qaýip tónetini jaıly eskertti. Amhara aımaǵyndaǵy keıbir fermerler búkil egininen aıyryldy.

Jeltoqsan aıynda shegirtkeler toby jolaýshylar ushaǵynyń baǵytyn ózgertýge májbúr etti. Qozǵaltqyshtardyń aýa soratyn jerine jáne ushaqtyń murny men áınekterine jabysyp qaldy. Sol sebepti  Addıs-Abebada  ushaq shuǵyl qonýǵa májbúr boldy.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar