Eýrazııalyq ekonomıkalyq odaqqa múshe memleketterde tirkelgen jekelegen kólik quraldaryn Qazaqstan Respýblıkasyna ákelýdiń jáne Qazaqstan Respýblıkasy azamattarynyń paıdalanýynyń keıbir máseleleri týraly
Qazaqstan Respýblıkasynyń Úkimeti qaýly etedi:
1. «О́ndirýshilerdiń (ımporttaýshylardyń) keńeıtilgen mindettemelerin iske asyrý qaǵıdalaryn bekitý týraly» Qazaqstan Respýblıkasy Úkimetiniń 2016 jylǵy 27 qańtardaǵy № 28 qaýlysyna (Qazaqstan Respýblıkasynyń PÚAJ-y, 2016 j., № 3-4, 18-qujat) mynadaı tolyqtyrýlar engizilsin:
kórsetilgen qaýlymen bekitilgen О́ndirýshilerdiń (ımporttaýshylardyń) keńeıtilgen mindettemelerin iske asyrý qaǵıdalarynda:
20-tarmaq mynadaı mazmundaǵy ekinshi abzaspen tolyqtyrylsyn:
«Qazaqstan Respýblıkasynyń azamattary Eýrazııalyq ekonomıkalyq odaqqa múshe memleketterden 2020 jylǵy 1 aqpanǵa deıin ákelgen avtokólik quraldaryna qatysty tólem 2021 jylǵy 1 naýryzǵa deıin engiziledi.»;
22-tarmaq mynadaı mazmundaǵy abzaspen tolyqtyrylsyn:
«О́ndirýshilerdiń (ımporttaýshylardyń) keńeıtilgen mindettemelerdi oryndaǵanyn rastaıtyn qujat Qazaqstan Respýblıkasynyń azamattary Eýrazııalyq ekonomıkalyq odaqqa múshe memleketterden 2020 jylǵy 1 aqpanǵa deıin ákelgen avtokólik quraldaryn bastapqy tirkeý kezinde jol qaýipsizdigin qamtamasyz etý jónindegi ýákiletti organǵa 2021 jylǵy 1 naýryzǵa deıin usynylady.»;
2. Qazaqstan Respýblıkasynyń Ishki ister mınıstrligi 2020 jylǵy 1 naýryzǵa deıin zańnamada belgilengen tártippen:
1) Qazaqstan Respýblıkasynyń azamattary Eýrazııalyq ekonomıkalyq odaqqa múshe memleketterden 2020 jylǵy 1 aqpanǵa deıin ákelgen, «Dóńgelekti kólik quraldarynyń qaýipsizdigi týraly» Eýrazııalyq ekonomıkalyq odaq tehnıkalyq reglamentiniń (Keden odaǵy Komıssııasynyń 2011 jylǵy 9 jeltoqsandaǵy № 877 sheshimi) talaptaryna sáıkes keletin avtokólik quraldaryn tirkeý;
2) kórsetilgen sanattaǵy avtokólik quraldaryn tirkeý týraly kýálikterdiń jaramdylyq merzimin 2021 jylǵy 1 naýryzǵa deıin belgileý;
3) Qazaqstan Respýblıkasynyń azamattary Eýrazııalyq ekonomıkalyq odaqqa múshe memleketterden 2020 jylǵy 1 aqpanǵa deıin ákelgen kólik quraldaryn tirkeý jónindegi aqparatty Qazaqstan Respýblıkasynyń Qarjy mınıstrligine jiberý boıynsha sharalar qabyldasyn.
3. Qazaqstan Respýblıkasynyń Qarjy, Ishki ister, Ádilet, Ekologııa, geologııa jáne tabıǵı resýrstar mınıstrlikteri zańnamada belgilengen tártippen osy qaýlydan týyndaıtyn sharalardy qabyldasyn.
4. Osy qaýly alǵash resmı jarııalanǵan kúninen bastap qoldanysqa engiziledi jáne 2021 jylǵy 1 naýryzǵa deıin qoldanylady.
Premer-Mınıstr A. Mamın
