Qazaqstan • 03 Aqpan, 2020

Mobıldi qosymsha arqyly azyq-túlik ónimderi týraly tolyq aqparatty bilýge bolady

25 retkórsetildi

Aýyl sharýashylyǵy mınıstrligi Agroónerkásiptik keshendi sıfrlandyrý baǵdarlamasy aıasynda jaqyn arada aýyl sharýashylyǵy ónimderin qadaǵalaýdyń salalyq júıesin engizýdi josparlap otyr. Iаǵnı, satyp alýshylar sórelerde turǵan azyq-túlikter týraly tolyq aqparatty óz smartfondarynyń kómegimen, arnaıy QR-kodty skanerleý arqyly bile alatyn bolady. Bul týraly Aýyl sharýashylyǵy mınıstrliginiń baspasóz qyzmeti habarlady. 

Osylaısha, tutynýshylar dúkendegi azyq-túlikterdiń qaıdan kelip túskenin, qaıda ósirilgenin nemese kim ósirgenin, qaıdan tasymaldanǵanyn bile alady. Sondaı-aq et ónimderi óndirilgen maldyń egilgendigi týraly jáne onyń ıesi kim bolǵany týraly tolyq tanysady. Iаǵnı, azyq-túliktiń sharýadan bastap dúken sóresine deıingi jolyn kórýge múmkindik týady. Bul aqparatty alý úshin arnaıy «mobıldik qosymsha» jasalady.

Atalmysh qadaǵalaý júıesi tamaq qaýipsizdigin qamtamasyz etý maqsatynda engiziledi. Sondaı-aq bul júıe Qazaqstanǵa óz ónimderin eksportqa shyǵarýǵa múmkindik beredi. AShM qadaǵalaý júıesin  sút ónimderi jáne taýyq jumyrtqasynan bastaýdy kózdep otyr, sebebi EAEO elderinde de aýyl sharýashylyǵy ónimderiniń atalǵan túrlerin tańbalaý boıynsha jobalar júzege asyrylýda.

Mysaly, RF-da aǵymdaǵy jyldyń 1 maýsymynan bastap sút ónimderin mindetti tańbalaý júıesi engiziledi. Sáıkesinshe, qazaqstandyq taýar da sol ýaqyttan bastap reseılik naryqqa shyǵý úshin jańa talapqa saı bolýy tıis.

Qadaǵalaý júıesin engizý taýar óndirýshiler tarapynan qosymsha shyǵyndardy talap etetinin eskere otyryp, Aýyl sharýashylyǵy mınıstrligi bastapqy kezeńde jobany pılottyq joba retinde otandyq sút zaýyttarynyń birinde iske qosýdy usyndy. Bul naryqqa qatysýshylar úshin qarjylyq shyǵyndardy esepteýge jáne barlyq táýekelder men saldardy baǵalaýǵa múmkindik beredi.
Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar