Aımaqtar • 03 Aqpan, 2020

Asqar Myrzahmetov Taraz qalasyndaǵy birqatar nysandy aralady

267 retkórsetildi

Jambyl oblysynyń ákimi Asqar Myrzahmetov Taraz qalasyndaǵy birqatar nysandy aralady. Bul týraly oblys ákimdiginiń baspasóz qyzmeti habarlady.

Aımaq basshysy aldymen «Jambyl sý» memlekettik kommýnaldyq kásipornynda bolyp, aldaǵy josparlarymen tanysty. Mekemeniń tynys-tirshiligimen tanystyrǵan kásiporyn dırektory Marat Smaılov birqatar máseleniń baryn jetkizdi. О́z kezeginde aımaq basshysy  búgingi kúnniń talaby qalanyń sý-káriz júıelerin jamap-jasqaý emes ekendigin alǵa tartyp, salaǵa taldaý jumystaryn júrgizý arqyly bir júıege keltirý qajettigin jetkizdi. Bul baǵytta birinshi kezekte qalalyq turǵyn úı-kommýnaldyq sharýashylyq bóliminiń atalǵan salaǵa qatysty josparyn bekitip, jumysty shegelep sheship tastaý kerektigin basa aıtty. Bul jospardy arnaıy jıynda qaraıtyndyǵyn da tilge tıek etti. Sondaı-aq óńir basshysy oblys eldi mekenderindegi aýyz sý máselesin sheshý maqsatynda jańadan qurylǵan biryńǵaı operatordyń da isin júıege keltirýdi tapsyrdy. Budan ózge sala mamandary mekemeniń aýdandardaǵy bólimshe qyzmetkerleriniń biliktiligin saralap, kadr máselesin de tıimdi sheshý qajet.

Sonymen qatar oblys ákimi A.Aqqozıev kóshesinde ornalasqan «Sańyraýlardyń qazaq qoǵamy» qoǵamdyq birlestiginiń «Taraz oqý-óndiristik kásiporny» mekemesinde de bolyp, jumysymen tanysty. Búginde tósek jabdyqtary men arnaıy jumysshylarǵa arnalǵan kıimder tigýmen aınalysatyn kásiporynnyń sheshilmeı turǵan máselesi óndiriletin ónimderge tapsyrys alý eken. Kóterilgen másele boıynsha aımaq basshysy jaýapty tulǵalarǵa óńirdegi mekemelerdiń memlekettik tapsyrysyn júıege keltirýdi tapsyrdy.

Kelesi kezekte aımaq basshysy «Asar» Jambyl oblysy múgedekter uıymdarynyń odaǵy» zańdy tulǵalar birlestigine bardy. Birlestik jetekshileriniń problemasyna qulaq asqan aımaq basshysy «Mamyr» saıabaǵynyń aýmaǵynda ornalasqan ǵımarattaryna jaqyn arada jóndeletinin jetkizdi. Ol jóninde birlestik basshylaryna josparlaryn daıyndaý kerek dedi. Sondaı-aq avtobeket aýmaǵyndaǵy Talas ózeniniń boıynda ornalasqan kópirge tehnıkalyq tekseris jumystaryna qanyqty. О́z kezeginde oblys ákimi jaýapty tulǵalarǵa atalǵan jumystyń sapaly jáne ýaqytynda aıaqtalýy boıynsha tıisti tapsyrmalar berdi.          

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

Uqsas jańalyqtar