Taǵaıyndaý • 03 Aqpan, 2020

Qazaqstan Shahmat federasııasynyń jańa prezıdenti saılandy

51 retkórsetildi

Qazaqstan Shahmat federasııasynyń prezıdenti qyzmetin 2015 jyldyń shilde aıynan beri Shakhmardan Yessenov Foundation ǵylymı bilim berý qorynyń quryltaıshysy jáne Almaty marafonynyń negizin qalaýshy Ǵalymjan Esenov atqaryp kelgen bolatyn.

«Sońǵy ýaqytta meniń nazarymdy aýdarǵan kóptegen áleýmettik joba paıda boldy. Sonyń ishinde 2 sport federasııasy men assosıasııalar bar. Sondyqtan men áriptesterime Shahmat federasııasynyń jańa prezıdentin saılaý týraly usynys jasadym. Biz sportshylardyń, jattyqtyrýshylardyń, uıymdastyrýshylardyń jáne de menedjerlerdiń úzdik komandasyn jınadyq. Qazirgi tańda Qazaqstan Shahmat federasııasynda barlyq bıznes-úrdister men standarttar jolǵa qoıylǵan. Jańa basshylyqpen federasııa aldaǵy ýaqytta da tamasha nátıjeler kórsetip, jańa belesterdi baǵyndyratynyna senimdimin», – degen Ǵalymjan Esenov quryltaı sheshimine túsinikteme berdi.

Sońǵy bes jylda áıelder quramasy komandalyq álem chempıonatynda besinshi jáne Dúnıejúzilik shahmat olımpıadasynda on birinshi orynǵa ıe boldy. Qazaqstanda álemniń eń úzdik shahmatshylaryn jınaǵan iri shahmat týrnırleri ótkizildi. Qazaqstandyq shahmatshylar Azııa chempıonaty, Azııa ulttary Kýbogy, jabyq jaılardaǵy Azııa oıyndary syndy iri halyqaralyq týrnırlerdiń jeńimpazdary men júldegerleri atandy.

«Ǵalymjan Esenovtiń basshylyǵymen osy aralyqta Shahmat federasııasy orasan zor jumystar atqardy. Shahmatshylarymyzdyń qatary jańa álem chempıondarymen tolyqty. Qazaqstandyq sportshylar halyqaralyq týrnırlerden elimizge 202 jýyq medal alyp keldi», – deıdi QShF atqarýshy dırektory Irına Grıshenko.

31 qańtar kúni Qazaqstan Shahmat federasııasynyń (QShF) kezekten tys quryltaıy bolyp ótti. Bul quryltaıda uıymnyń jańa prezıdenti bolyp Beıbit Atamqulov saılandy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar