Qazaqstan • 03 Aqpan, 2020

«Biz – Jeńistiń muragerimiz!» estafetasy bastalady

96 retkórsetildi

5 aqpan –  5 mamyr aralyǵynda Ishki ister mınıstri  Erlan Turǵymbaevtyń sheshimimen Ulttyq ulanda Uly Otan soǵysyndaǵy Jeńistiń 75 jyldyǵyna arnalǵan «Biz – Jeńistiń muragerimiz!» estafetasy ótedi.

Atalmysh estafeta 2018 jylǵy 28 qyrkúıekte Dýshanbe qalasynda ótken TMD Memleket basshylary Keńesiniń sheshimimen bekitilgen Jeńistiń 75 jyldyǵyn merekeleýge baǵyttalǵan negizgi is-sharalar jospary aıasynda ótkizilmek.

Estafetanyń negizgi atrıbýty – 1941 jyly Almaty qalasynda jasaqtalyp, Máskeýden Berlınge deıin  jetken Keńes Odaǵynyń Batyry general-maıor I.V. Panfılov atyndaǵy 8-gvardııalyq motoatqyshtar Rejısskıı, Qyzyl tý Lenın ordendi, Sývorov ordendi dıvızııasynyń Jaýyngerlik Týynyń kóshirmesi. Tý kóshirmesin Qazaqstan áskerı-tarıhı mýzeıiniń Almaty qalasyndaǵy fılıaly usynyp otyr. 

Estafetanyń maqsaty – Uly Otan soǵysynda Otanyn janqııarlyqpen qorǵaǵan qazaqstandyq jaýyngerlerdiń erligine qurmet kórsetý, esimderin el esinde saqtaý, maıdan dalasynda eli úshin qaza bolǵan ár soldattyń erligine bas ııý; jastardyń, ishki ister organdary qyzmetkerleri men Ulttyq ulan áskerı qyzmetshilerdiń boıyna otansúıgishtik qundylyqtardy jáne Qazaqstan halqynyń batyrlyq tarıhyna qurmetpen qaraý, qazaqstandyq patrıotızmge tárbıeleý, óz áskerı boryshtaryn úlgili atqarýǵa yqpal etý. 

Estafetaǵa Polısııa, Tótenshe jaǵdaılar, Qylmystyq-atqarý júıesi departamentteri, Ulttyq ulannyń óńirlik qolbasshylyqtary, áskerı bólimderi men bólinisteri, IIO men UU ardagerler uıymy, sondaı-aq orta mektep oqýshylary men áskerı-patrıottyq klýbtardyń tárbıelenýshileri, stýdent jastar, quqyqtyq tártip áskeriniń áskerı bólimderi ornalasqan qalalardaǵy jergilikti qoǵamdyq uıymdardyń ókilderi qatysady.

Almaty qalasy ákimdiginiń, «Nur Otan» partııasynyń Almaty qalalyq fılıalynyń, Qazaqstan halqy Assambleıasy Almaty qalasyndaǵy «Dostyq úıiniń», «Armııa úıi» mýzeıi dırektory Alýa Baıqadamovanyń (general-maıor I.V.Panfılovtyń jıen nemeresi) qoldaýymen Estafeta Almaty qalasynan bastalady, sebebi 1941 jyly general-maıor I.V. Panfılov basqarǵan 316-atqyshtar dıvızııasy osy Almaty qalasynda jasaqtalǵan.

Estafeta aıasynda dańqty panfılovshylar dıvızııasynyń Jaýyngerlik Týynyń kóshirmesi respýblıkalyq mańyzǵa ıe 3 qaladan, oblystyq deńgeıdegi 14 qaladan jáne shaǵyn 7 qaladan ótetin bolady.

Eske alý estafetasy qozǵalysynyń kestesi boıynsha Estafeta jolyn jalǵaý úshin Ulttyq ulannyń 37 áskerı bóliminen Tý ustaýshylar toby jasaqtaldy.

Estafetanyń Qazaqstan aýmaǵyn temirjol jáne avtokólikpen sharlaýdaǵy jalpy joly 11 myń shaqyrymdy quraıdy.

Estafeta barysynda soǵys jáne eńbek ardagerlerimen 68 kezdesý ótkizý josparlanǵan. Ulttyq ulannyń áskerı-úrmeli orkestri barlyq pýnktter men jekelengen bólinisterdi qosa eseptegende 56 konsert qoıady.

Osy rette Almaty qalasynda josparlanǵan is-sharalar tizbegi tómendegideı: 

2020 jylǵy 5 aqpan kúni saǵat 10.00-de – Almaty qalasy ákimdigi, «Nur Otan» partııasynyń Almaty qalalyq fılıaly, Qazaqstan halqy Assambleıasy Almaty qalasyndaǵy «Dostyq úıi», Qazaqstan Respýblıkasy Ulttyq ulany Bas qolbasshylyǵy jáne «Ońtústik» óńirlik qolbasshylyǵy ókilderiniń qatysýymen   baspasóz máslıhatyn ótkizý. Mekenjaıy: Dostyq úıi. Qurmanǵazy, 40.

2020 jylǵy 5 aqpan kúni saǵat 11.30-da 28 gvardııalyq-panfılovshylar saıabaǵynda Jaýyngerlik Tý kóshirmesin qarsy alý - tapsyrý boıynsha saltanatty is-shara Almaty qalasy ákimdigi, «Nur Otan» partııasynyń Almaty qalalyq fılıaly, Qazaqstan halqy Assambleıasy Almaty qalasyndaǵy «Dostyq úıi», «Jas Otan» jastar qanaty, ardagerler jáne qalanyń basqa da qoǵamdyq uıymdary, kórnekti memleket qaıratkerleriniń qatysýymen ótedi.    

2020 jylǵy 5 aqpanda saǵat 12.00-de Jaýyngerlik Tý kóshirmesin qarsy alý-tapsyrý boıynsha saltanatty is-sharaǵa jınalǵandarǵa  konsert beriledi.   О́tý orny: Armııa úıi,  mekenjaıy: Zenkov kóshesi, 24.

2020 jylǵy 5 aqpanda saǵat 15.00-de –  Almaty qalasy ákimdigi, «Nur Otan» partııasynyń Almaty qalalyq fılıaly, Qazaqstan halqy Assambleıasy Almaty qalasyndaǵy «Dostyq úıi», Qazaqstan Respýblıkasy Ulttyq ulany Bas qolbasshylyǵy jáne «Ońtústik» óńirlik qolbasshylyǵynyń ókilderi jáne BAQ ókilderi  Jaýyngerlik Tý ustaýshy tobymen birge Uly Otan soǵysy ardageriniń úıine barady. Ardagerdiń úıiniń aldynda áskerı orkestr soǵys jyldaryndaǵy ánder men mýzykalardy oryndaıdy, Qazaqstan Respýblıkasy Ulttyq ulanynyń áskerı qyzmetshileri saltanatty sherýmen ótip, ardagerge áskerı áskerı sálem beredi dep josparlanýda. Ári qaraı Almaty qalasynyń 8 aýdanynda turatyn soǵys ardagerlerine barý josparlanǵan.

2020 jylǵy 6 aqpanda saǵat 15.00-de – Almaty qalasy ákimdiginiń uıymdastyrýymen «Alataý» dástúrli óner teatrynda qala jastary úshin konsert beriledi.

Sońǵy jańalyqtar

Elordada jataqhana karantınge jabyldy

Aımaqtar • Búgin, 22:05

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar