Sport • 03 Aqpan, 2020

Almatyda spıdveıden álem chempıonatynyń alǵashqy fınaly ótti

18 retkórsetildi

Keshe FIM Halyqaralyq Motosıkl Federasııasynyń qoldaýymen «Medeý» muz aıdyny muzdaǵy motojarystardan 2020 jylǵy jeke álem chempıonatynyń alǵashqy fınalyn márege jetkizdi.

Almaty kezeńiniń eki kúninde de top jarǵan reseılik shabandoz Danııl Ivanov doda jeńimpazy atandy. Tartysty saıysta ekinshi oryndy onyń jerlesi Dmıtrıı Homısevıch ıelense, úzdik úshtikti Dmıtrıı Koltakov túıindedi. О́tken jyldaǵydaı, bıyl taǵy da reseılik sportshylar «Medeý» muz aıdynynda júldeli úzdik úshtikti qurady.

«Spıdveı – motosıkl sportynyń eń kúrdeli jáne qaýipti, sonymen qatar shytyrmandylyqqa toly dıssıplınalarynyń biri. Biz Qazaqstan úshin altynshy, sondaı-aq besinshi mereıtoılyq fınaldyń aty ańyzǵa aınalǵan «Medeý» muz aıdynynda ótkenine qýanyshtymyz. FIM trektik komıssııasynyń joǵary talaptaryna jaýap beretin jınaqtalǵan tájirıbe men qajetti ınfraqurylym jáne bas áriptes «Samuryq – Qazyna» ulttyq ál-aýqat qorynyń, Mádenıet jáne sport mınıstrligi men Almaty qalasy ákimdiginiń qoldaýy bizge FIM-men yntymaqtastyqty nyǵaıtýǵa jáne spıdveıden álem chempıonatynyń fınaldaryn ótkizý quqyǵyn ıelenýge múmkindik berdi», – dedi Avtomotosport federasııasynyń prezıdenti Marat Ábiqaev.

Almatydaǵy álem birinshiliginiń kezeńinde jeti elden kelgen barlyq sany 18 «muz gladıatory» baq synady. Olardyń ishinde Reseıden bes shabandoz, Germanııadan bir motojarysshy, Nıderlandtan bir, Shvesııadan tórt, Chehııadan bir shabandoz, Avstrııadan úsh jáneQazaqstannnan úsh shabandoz muzdy jolǵa shyqty.

Jarystyń ekinshi kúni dástúrli túrde 20 irikteý týry, eki jartylaı fınal jáne bir fınaldyq kezeńderden turdy. Árbir jarysqa tórt shabandoz qatysty. Qashyqtyq – 4 aınalym. Márege birinshi bolyp kelgen shabandoz úsh upaıdy, ekinshisi – eki upaıdy, úshinshisi – bir upaıdy ıelense, tórtinshi orynǵa upaı berilmedi.

Muzdaǵy motobáıgeniń ekinshi kúni qysqy spıdveı sheberleri arasyndaǵy naǵyz taıtalaspen este qaldy. «Muz gladıatorlary» árbir burylysta sopaq pishindi trekte básekelesip, ár upaı úshin taıtalasty. Jeksenbi kúni jyly kún raıy oryn aldy, bul jarysqa da, jankúıerlerdiń kóńil-kúıine de oń áser etti. Ońtústik astananyń turǵyndary men qonaqtary osy jarystardyń kóz tartarlyq qyzyǵymen qýattylyǵyna tánti boldy. Olar qazaqstandyq sportshylar men jarys kóshbasshylaryna belsendi túrde qoldaýyn aıamady.

4

Aldyn-ala kútkendeı, jeke eseptegi birinshiliktiń basty favorıti – reseılik motojarysshylar fınaldyq kezdesýlerdiń qorytyndysy boıynsha júldeli oryndarǵa jaıǵasty. Alaıda, Avstrııadan, Shvesııadan, Nıderlandtan jáne Germanııadan kelgen shabandozdar reseılikterge básekelestik tanytyp, muzdy jolda baryn saldy. Ásirese, nemis shabandozy Iohan Veber jáne shvedtik motojarysshylar Martın Haarahıltýnen, jáne dodadaǵy áke men ul sanalatyn Nıklas pen Stefan Svenssondardy aıryqsha atap ótýge bolady.

«Medeýdegi» motojarysqa jan bitirip, dramatızmdi syılaǵan nemis motoshabandozy Iohan Veberdiń kezekti bir aınalymnyń burylysynda motosıklinen qulaýy kórermenderdiń nazaryn aýdardy. Avstrııalyq jarysshy Frans Sornǵa soqtyǵysqan shabandoz jedel járdem arbasymen alańnan áketildi. Nemis gladıatorynyń batyldyǵyna kórermender ornynan turyp, qol soqty. Bul oqıǵa osy sport túrine tán sátterdiń biri, nemis shabandozy Almatydaǵy emhanalardyń birine jatqyzyldy.

20-shy kezeńde birden eki oqıǵa oryn aldy. Aldymen, burylysta motosıkldi ıgere almaı, shved Ove Ledshtrem muzǵa qulady. Osy aınalymda gollandııalyq Djasper Ivemanyńdajol bolmady, ol muz trassasynyń burylysynda motosıklmen birge salto jasap, joldyń jıegindegi saban qorshaýlarǵa soqtyǵysyp qana toqtaı aldy. Qýanyshqa oraı, eki oqıǵadan da aýyr jaraqat tirkelmedi. Djasper tipti qorytyndy baspasóz-konferensııasyna qatysyp, óziniń ádemi qulaýyna qatysty ázildedi.

Qazaqstandyq shabandozdar Vladımır Cheblokov, Pavel Nekrascov jáne Sergeı Serov spıdveıden jeke álem chempıonaty fınalynyń qorytyndy kúniniń nátıjesi boıynsha aqtyq  saıystarǵa óte almady. Qazaqstandyqtarǵa álemdik spıdveıdiń sheberlerimen ıyq teńestire kúsh synasý ázirge ońaıǵa soqpaýda.

Ekinshi jarys kúniniń fınalyna tórt reseılik sportshy dara shyqty, olar – Danııl Ivanov, Dmıtrıı Koltakov, Igor Kononov jáne Dmıtrıı Homısevıch. Qajyrly kúreste máre syzyǵyn birinshi bolyp qazirgi álem chempıony, birinshi jarys kúniniń jeńimpazy Danııl Ivanov kesip ótti. Osylaısha, Ivanovtyń qorjynynda «Medeý» muz aıdynynda eki kúnge sozylǵan motojarys qorytyndysy boıynsha 40 upaı. Ekinshi nátıjeni reseılik Dmıtrıı Homısevıch kórsetti-36 upaı, onyń otandasy Dmıtrıı Koltakov úshinshi oryndy mise tutty- 28 upaı.

7

Álem birinshiliginiń Almatydaǵy kezeńine jańa serpin ákelgen avstrııalyq motojarysshy Harald Sımon boldy. Birinshi saıys kúni úzdik úshtikti túıindegen onyń kózine jas alǵanyn aıta ketken abzal. Bul onyń 1992 jyldan beri álem birinshilikterine qatysyp kele jatqan ýaqyt aralyǵyndaǵy alǵashqy jeńis tuǵyry.

Halyqaralyq Motosıkl Federasııasy (FIM) trek komıssııasynyń dırektory Armando Kastanıa spıdveıden Jeke eseptegi álem chempıonaty fınaly eki jarys kúniniń qorytyndysy boıynsha ótken baspasóz-konferensııasynda Qazaqstan Avtomotosport Federasııasy tarapynan dodanyń joǵary deńgeıde uıymdastyrylǵanyn atap ótti.

– Halyqaralyq Motosıkl Federasııasynyń ókilderi, sondaı-aq barlyq motoshabandozdar Qazaqstandaǵy dodada baǵyn synaýǵa árdaıym asyq. Sebebi munda barlyǵy tııanaqty uıymdastyrylǵan, qonaqjaılyqty atap ótkenim de oryndy. Biz aldaǵy ýaqytta Qazaqstan Respýblıkasynyń Avtomotosport Federasııasymen yntymaqtastyqty jalǵastyrýǵa úmittenemiz, – dedi Armando Kastanıa.

О́z tarapynan Qazaqstan Avtomotosport Federasııasynyń prezıdenti Marat Ábiqaev atalmysh jarystyń Qazaqstanda jalǵasatynyna senim bildirdi.

– Biz kelesi jyly elimizde spıdveıden Jeke eseptegi álem chempıonatynyń kezekti fınalyn ótkizý týraly kelisimge qol jetkizdik. Qazirgi tańda biz ony ótkizýge arnalǵan úsh alańdy qarastyrýdamyz, bul – «Medeý» muz aıdyny men Almatydaǵy «Sokol» trassasy, sondaı-aq elordamyz Nur-Sultan qalasynda jarysty ótkizý nusqasy da bar, – dedi qorytyndy baspasóz-konferensııasynda Marat Ábiqaev.

Aty ańyzǵa aınalǵan «Medeý» muz aıdyny qysqy spıdveı jarysyn bes ret qatarynan ótkizip, al bul jarys Qazaqstan úshin – altynshy márte sátti ótkizilgen Jeke eseptegi álem birinshiligi. Bıyl Almatydaǵy fınal bas áriptes «Samuryq-Qazyna» ulttyq ál-aýqat qorynyń, sondaı-aq QR Mádenıet jáne sport mınıstrligi men Almaty qalasy ákimdiginiń qoldaýymen ótti.

Sońǵy jańalyqtar

Basylym basshylary - Ýálıhan QALIJAN (1948)

Basylym basshylary • Búgin, 16:57

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Tálimi zor, ǵıbraty mol jıyn

Aımaqtar • Búgin, 11:18

Danyshpan toıyna bir tamshy úles

Abaı • Búgin, 10:36

Habarsyz ketken kásipker izdestirilýde

Aımaqtar • Búgin, 10:24

Jumyrtqa nege qymbattaıdy?

Ekonomıka • Búgin, 09:27

О́ner mýzeıindegi ózgeshe kórmeler

Aımaqtar • Búgin, 09:12

Alısa – Arqa tósinde

Aımaqtar • Búgin, 08:03

Uqsas jańalyqtar