Qazaqstan • 03 Aqpan, 2020

Qazaqstan men Portýgalııa óńirleri arasyndaǵy yntymaqtastyq qarqyny talqylandy

18 retkórsetildi

Qazaqstannyń Portýgalııa Respýblıkasyndaǵy Elshisi Dáýlet Batyrashev Portýgalııanyń ońtústik óńiri Algarvege jumys saparymen bardy. Bul týraly Syrtqy ister mınıstrliginiń baspasóz qyzmeti habarlady.

Sapar aıasynda Faro qalasynyń ákimshilik ortalyǵynyń, Algarveniń Úılestirý jáne damý komıssııasynyń basshylyǵymen, sondaı-aq óńirlik iskerlik toptardyń ókilderimen kezdesýler ótti.

Algarve óńiriniń Úılestirý jáne damý komıssııasynyń tóraǵasy Fransıshký Serramen suhbat barysynda saýda-ekonomıkalyq salasyndaǵy yntymaqtastyq, otandyq taýarlar eksportyn ilgeriletý jáne týrıstik salada árekettesýdi nyǵaıtý máseleleri talqylandy.

Elshiniń Farý qalasynyń ákimi Rojerıo Bakalıaýmen kezdesýi Algarvemen yntymaqtastyqtyń áleýetti baǵyttaryna arnaldy. Suhbattasýshylar qazaqstan-portýgaldyq yntymaqtastyǵynyń múmkindikterin joǵary baǵalap, óńirlik deńgeıde tyǵyz ári nátıjeli baılanystardy ornatýdyń jetkilikti alǵysharttary bar ekenine kelisti.

Portýgaldyq saıasatker Aqtaý qalasymen baýyrlas qarym-qatynas ornatýǵa qyzyǵýshylyq pen daıyndyǵyn bildirdi. Sonymen qatar bıyl Algarvede Qazaqstannyń Qurmetti konsýldyǵyn ashýǵa ýaǵdalastyqqa qol jetkizildi.

О́ńirdiń kompanııalarymen baılanystar ornatý maqsatynda, Algarve Kásipkerler qaýymdastyǵynyń prezıdenti Vıtor Netý jáne Saýda jáne qyzmet kórsetý qaýymdastyǵynyń atqarýshy dırektory Ana Fernandeshpen kelissózder ótkizildi. 

Kelissózder sheńberinde Kásipkerler qoǵamdastyǵynyń aldynda turǵan mindetter, Qazaqstan ekonomıkasyna ınvestısııalar tartý boıynsha naqty jobalardy iske asyrý jáne portýgal bıznes-delegasııalarynyń saparlaryn uıymdastyrý máseleleri talqylandy. 

Qazaqstandyq dıplomat elimizde sheteldik ınvestorlardy qorǵaý jónindegi is-sharalar jáne Qazaqstanda bıznes júrgizýdiń tájirıbelik aspektileri jóninde aqparat berdi. Birinshi kezekte týrızm, joǵary tehnologııalar jáne aýyl sharýashylyǵy salasyndaǵy ózara tıimdi yntymaqtastyqqa erekshe nazar aýdaryldy. Sonymen qatar isker toptar Qazaqstannyń geografııalyq ornalasýy men tranzıttik-kóliktik áleýeti men múmkindikterin eskere otyryp, logıstıka jáne júkterdi tasymaldaý salasynda seriktestik qurýǵa nazaryn aýdaryp, qyzyǵýshylyǵyn tanytty.

Kezdesýler qorytyndysy boıynsha, otandyq bıznes qurylymdarymen baılanystar ornatý úshin Algarve kompanııalarynyń Qazaqstanǵa ekonomıkalyq mıssııalaryn uıymdastyrýyna qyzyǵýshylyǵy rastaldy.

Aıta keteıik, Algarve - Portýgalııanyń ońtústiginde ornalasqan aımaq. Aýmaǵy - 4995 sharshy km. Halqy - 451 006 adam. Ákimshilik ortalyǵy - Faro qalasy. Aımaq ekonomıkasynyń negizin týrızm quraıdy. Qyzmet kórsetý salasy jumys oryndarynyń kóp bóligin qamtamasyz etedi jáne oblystyń ishki jalpy óniminiń qomaqty bóligi bolyp tabylady. Aımaqtyń dástúrli salalary - balyq aýlaý jáne aýyl sharýashylyǵy. Sońǵy jyldary balyq fermalary men akvamádenıeti myqty pozısııaǵa ıe boldy. Sondyqtan Portýgalııada óndiriletin teńiz taǵamdarmen ýstrısalardyń 90%-y qazirgi ýaqytta Algarvada óndiriledi.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar