Qazaqstan • 03 Aqpan, 2020

Bala 3 jasqa tolǵansha járdemaqy tóleýge bastama kótermekpiz – mınıstr

57 retkórsetildi

Qazaqstanda múgedekter kútimine járdemaqy engizilýi múmkin. Bul týraly búgin Úkimet úıindegi baspasóz máslıhatynda Eńbek jáne halyqty áleýmettik qorǵaý mınıstri Birjan Nurymbetov aıtty.  Bul týraly Qazaqparat agenttigi habarlady.

«Bala kútimine járdemaqyny arttyrý máselesine bastamashylyq jasamaqpyz. Búginde ol bala 1 jasqa tolǵanǵa deıin tólenedi. Biz bul merzimdi 1,5 nemese 3 jylǵa deıin uzartý nusqasyn qarastyryp otyrmyz. Qazirgi ýaqytta shamamen 387 myń ana bala kútimine baılanysty atalǵan járdemaqyny alady. Onyń ishinde Áleýmettik saqtandyrý qorynan alatyndardyń sany azdaý ǵana», - dedi Birjan Nurymbetov.

Máselen, onyń dereginshe, jumys istemeıtin analar bıýdjetten aı saıyn 1 jyl boıy 15-24 myń teńge alyp otyrady. Al jumys isteıtin analar Áleýmettik saqtandyrý qorynan aı saıyn jalaqysynyń shamamen 40 paıyzyn alady. Sonymen qatar mınıstr múgedektik boıynsha járdemaqyny qaıta qarastyrý josparlanyp otyrǵandyǵyn aıtty.

«Erekshe qajettilikteri bar adamdarǵa memlekettik qoldaý kerek. Biz múgedektigi úshin kútimge járdemaqy tóleý bastamasyn kótermekpiz. Búginde ata-analar men qamqorshylarǵa múgedek bala kútimine, sonymen qatar, bala kezinen birinshi toptaǵy múgedek bala kútimine járdemaqy qarastyrylǵan. Biraq bala kezinen múgedek emes birinshi toptaǵy eresek múgedekter bar. Olar da kútimdi qajet etedi. Sondyqtan qosymsha járdemaqy engizý durys bolar edi. Bul ázirshe mınıstrliktiń jospary ǵana. Úkimetke jáne atqarýshy organdarmen kelisýge áli engizilgen joq», - dedi ol.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar