Qazaqstan • 03 Aqpan, 2020

Qazaqstan men Qytaı arasynda áýe reısteri toqtaıdy - Jandarbek Bekshın

13 retkórsetildi

Búgin Qazmedıa ortalyǵynda ótken brıfıngte Qazaqstannyń Bas sanıtarlyq dárigeri Jandarbek Bekshın  koronavırýs indetine baılanysty 4 aqpannan bastap Qazaqstan men Qytaı arasyndaǵy áýe qatynasy toqtaıtynyn aıtty. 

«3 aqpannan bastap, Qytaımen shekara is júzinde jabyldy. Búgin sońǵy ushaqtar bizdiń azamattarymyzdy elge ákeledi. 4 aqpannan bastap tikeleı áýe qyzmeti toqtaıdy. Al avtobýs jáne poıyz qozǵalysynyń toqtaǵanyna biraz ýaqyt boldy», - dedi Jandarbek Bekshın.

Onyń aıtýynsha, qazirgi ýaqytta shekaradan tek resmı delegasııalar, sheneýnikter men júk tasymaly ǵana ótkiziledi.

«Olar eki el úkimetiniń de jylý sezgish qurylǵysymen (teplovızor) skanerlenedi. Respýblıkalyq shtab sheshimine sáıkes, qazirgi ýaqytta Qazaqstannyń barlyq shekaralyq beketterinde teplovızorlarmen úzdiksiz baqylaý ornatyp jatyrmyz. Bul aýrý týraly halyqqa 6 qańtarda málimdeme jasaǵanbyz. Sol kúnnen bastap, Qytaıdan kelgen barlyq jolaýshylarǵa qosymsha baqylaý júrgizýdi bastadyq. Al 2017 jyldan beri barlyq halyqaralyq reısterden kelgen jolaýshylardy jylý sezgish stasıonarlyq qurylǵymen baqylaýdy turaqty túrde júrgizip kelemiz», - dedi ol.

 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar