Qazaqstan • 03 Aqpan, 2020

Qazaqstan: 89 adam koronavırýs kúdigimen aýrýhanaǵa jatqyzylǵan

1413 retkórsetildi

Bas sanıtarlyq dáriger Jandarbek Bekshın 6 qańtardan keıin Qytaıdan oralǵan turǵyndardyń densaýlyǵy jóninde málimdeme jasady.

Qazmedıa ortalyǵynda ótken brıfıngte Jandarbek Bekshın sońǵy qalyptasqan jaǵdaı jaıly aıtyp ótti: «6 qańtardan keıin Qytaıdan oralǵan qazaqstandyqtardyń 90%-men baılanys ornatyldy. Olardyń arasynda 89 adam dene qyzýymen jáne JRVI belgilerimen aýrýhanaǵa tústi. 43 adam emdelip shyqty jáne 46 adam stasıonarda qaldy».

Sondaı-aq Bas dáriger bul baqylaýdyń barlyq turǵyndarǵa emes, 6 qańtardan bastap Qytaıdan kelgenderge ǵana qatysty ekenin eske sala ketti.

«Barlyq baqylaýdaǵy aýrýhanalardan alynǵan synamalardy qosymsha zertteý úshin Almatydaǵy Áıtimbaev atyndaǵy asa qaýipti ınfeksııalar ulttyq ǵylymı ortalyǵyna jiberip jatyrmyz. Bul ortalyq jańa koronavırýsty dıagnostıkalaıtyn Polımerazdy tizbekti reaksııa ádistemesin meńgergen. Eger shetelden kelseńiz, deneńizdiń qyzýyn baqylańyz. Kúdik týǵan jaǵdaıda barlyq emhanany aralap, sharshamańyz. Birden 1406 nómirine habarlasyńyz», - dedi Jandarbek Bekshın.

Buǵan deıin bas sanıtarlyq dáriger Ýhan qalasynan evakýasııalanǵan azamattardyń jaǵdaıy týraly aıtyp bergen edi. Sondaı-aq 4 aqpannan bastap Qazaqstan men Qytaı arasyndaǵy áýe qatynasy toqtaıdy. Dúnıejúzinde búgin túske deıin vırýs juqtyrǵandar sany 17 459 adamǵa jetti. Odan 362 adam qaıtys boldy jáne 483 adam tolyq jazylyp shyqty. О́limge ákep soqqan 96 paıyz oqıǵa aýrýdyń oshaǵy bolǵan Hýbeı provınsııasynda tirkelgen.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar