Úkimet • 03 Aqpan, 2020

Asqar Mamın ımport almastyrý jáne eksportty ilgeriletý jónindegi VAK otyrysyn ótkizdi

26 retkórsetildi

Premer-Mınıstr Asqar Mamınniń tóraǵalyǵymen Importty almastyrý jáne eksportty ilgeriletý máseleleri jónindegi vedomstvoaralyq komıssııanyń alǵashqy otyrysy ótti. Bul týraly Premer-Mınıstrdiń baspasóz qyzmeti habarlady.

Premer-Mınıstrdiń orynbasary R. Sklıar jáne «Atameken» UKP Basqarma tóraǵasy A. Myrzahmetov «qarapaıym zattar ekonomıkasy» salalaryn, jergilikti qamtýdy jáne ımportty almastyrýdy damytý boıynsha atqarylyp jatqan jumystar týraly baıandady.

Osy jyldyń 31 qańtaryndaǵy jaǵdaı boıynsha «qarapaıym zattar ekonomıkasyn» jeńildetilgen nesıeleý baǵdarlamasy boıynsha 236 mlrd teńge somasyna 993 joba (AО́K – 700, óńdeý sektory – 210, AО́K qaıta óńdeý – 83) maquldandy. Ekinshi deńgeıli bankterdiń qaraýynda 201 mlrd teńgege 295 joba jatyr. Osylaısha, jaqyn arada jalpy somasy 437 mlrd teńgeni –  72,7% ıgerý boljanyp otyr.

2019 jyldyń ekinshi jarty jyldyǵynda otandyq taýar óndirýshilerde (OTО́) jeńil ónerkásip salasyndaǵy retteletin satyp alýlar kólemi jyldyń birinshi jartysymen salystyrǵanda 58%-ǵa, jıhaz ónerkásibinde 72%-ǵa ulǵaıdy. Qabyldanǵan sharalar salalardyń makrokórsetkishterine oń áser etti. Máselen, jyl qorytyndysy boıynsha jeńil ónerkásiptegi óndiris kólemi 7%-ǵa, negizgi kapıtalǵa salynǵan ınvestısııalar 18,7%-ǵa ósti.

Bıyl óndiristerdi damytýdy qoldaýdyń utymdy quraldarynyń biri kvazımemlekettik sektor men OTО́ arasyndaǵy offteık-kelisimsharttar mehanızmi bolady.

Jobalyq ofıs retteletin satyp alýlarda 3,9 trln teńge somasyna ımportty almastyrý áleýeti bar 362 taýardy toptastyryp, iriktep aldy. Búgingi tańda bıznes qoǵamdastyqpen birlesip ımportty almastyrý boıynsha 198,6 mlrd teńgege 70-ten astam jobany pysyqtaý jumystary bastaldy.

О́ńirler bólinisinde jobalardyń eń kóp sany Túrkistan, Aqtóbe, Qyzylorda, Qaraǵandy, Shyǵys Qazaqstan jáne Pavlodar oblystarynda usynylǵan. Nur-Sultan jáne Almaty qalalary, Atyraý jáne Mańǵystaý oblystary boıynsha jobalar usynylmaǵan.

Otyrysqa qatysýshylar aǵash óńdeý, jıhaz, hımııa, toqyma, aıaq kıim jáne basqa salalardaǵy ımportty almastyrý jónindegi birqatar naqty jobalardy qarady.

Memlekettik qoldaý alatyn bızneske ár sýbekt boıynsha monıtorıng júrgizýge múmkindik beretin «О́nerkásip» aqparattyq júıesin damytý jónindegi jumys barysy talqylandy.  

Úkimet basshysy ımportty almastyrý jáne eksportty ilgeriletý boıynsha belsendi jumysty jalǵastyrýdy tapsyrdy. 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar