Medısına • 04 Aqpan, 2020

Maska «maskamyzdy» sheship júrmesin

180 retkórsetildi

Qytaıdan taraǵan koronavırýstan betperde qanshalyqty qorǵaıdy? Ony ár eldiń mamandary ártúrli aıtýda. Qalaı bolǵanda da medısınalyq betperdeni juqpaly dertten qorǵanýdyń bir joly retinde qarastyratynymyz bar. Bılik buqarany qansha sendirgenimen sońǵy ýaqytta dárihanalarda maskanyń bolmaýy eldi alańdatyp otyr.

 

Densaýlyq saqtaý mınıstri Eljan Birtanovtyń aıtýynsha, Qazaqstanda jyl saıyn 2 mln-ǵa jýyq maska qabyldanady. Onyń kóbisi medısınalyq uıymdarǵa arnalǵan. О́tken aptada mınıstr shetelden qosymsha maska alý jumysy júrgizilip jatqanyn, jospar boıynsha maskalar barlyq medısına qyzmetkerlerine jáne halyqqa jetkilikti ekenin aıtty. «Bizde rezervte 5 mln maska bar. Medısınalyq mekemeler tolyqtaı qamtamasyz etilgen», dedi vedomstvo basshysy.

Mınıstr baıandama jasaýdan bir kún buryn Qazaqstannyń bas sanıtarlyq dárigeri Jandarbek Bek­­shın elimizde mas­ka óndirýshi 5 kompanııaǵa buqaralyq aqparat qu­ral­dary arqyly úndeý jarııalap: «Qurmetti otandyq medı­sınalyq mas­ka óndirýshiler! Biz tek dári-dármektiń eń joǵary baǵasyn retteımiz. Maska ba­ǵasyn retteı almaımyz. Sondyqtan da el azamattary úshin qajetti kólemde maska shyǵarýlaryńyzdy ótinemiz», degen bolatyn. Al keshegi brıfıngte ol: «Maska óndirýshiler tolyq qýat­pen jumys istep jatyr. Úkimet koronavırýsqa qatysty túrli satyp alýlarǵa 1,5 mlrd teńge qarjy bóldi. Qajet bolǵan jaǵdaıda kez kelgen mól­sherde maska satyp ala alamyz», dep atap ótti.

Biraq dárihanalardaǵy jaǵdaı basqasha. Eń aldymen bas qaladaǵy dárihanalardy túgendep shyqtyq. Nur-Sultandaǵy 10-ǵa jýyq dáriha­nanyń jartysynan kóbinde maska bolmaı shyqty. Mysaly, «Amanat-Farm», Doktor Plyus,  Jan Farm, «Nızkıh Sen» sııaqty dárihanalar jelisinde mas­kalar taýsylǵan. Olar qoımada da bolmaı turǵanyn aıtýda. Al keıbir dárihanalar baǵany kóterip jibergen. Osyǵan deıin 10-20 teńgeden satylyp kelgen maskany astanadaǵy Lucem dárihanasy 50 teńgeden, Salamat dárihanalar jelisi 40 teńgeden satýda.

Nur-Sultandaǵy «Gıppokrat» dárihanalar jelisiniń núkte­leri­ne satyp alýshy retinde habar­lasqa­nymyzda, qala boıynsha maskalardyń joq ekenin jetkizdi. Sóıtip biz osy dárihanalar jelisi­niń basshylyǵyna habarlasýdy jón kórdik. Basshylyq­tyń bergen aqparaty múlde basqa. «Gıppokrat» MFK» JShS dırektory Vera Polıakova Reseıden ótken juma kúni 70 myń, búgin 70 myń mas­ka jet­kizilgenin, satylymda da maska­lardyń bar ekenin aıtty. «Nur-Sultan qalasy boıynsha aıtatyn bolsaq, 30 qańtar men 3 aqpan aralyǵynda 14 jarym myń maska satyldy. Qazir jaı maskadan satylymda 20 myń dana, qoımada 2900 dana, al qara maskadan satylymda 5 myń dana, qoımada 13 myń dana bar. Bular bir aptaǵa jetedi dep josparlanǵan. Sondaı-aq bir adamǵa eki oramnan artyq berilmeıdi, onyń ishinde 100 danasy bar», dedi Vera Polıakova.

Almaty qalasyndaǵy jaǵdaı da osyǵan uqsas. Maximus jáne «Gaý­hartas» sııaqty dárihanalar je­lisi mas­kanyń ótken aptadan beri bol­maı jat­qanyn aıtady. «Ortalyq dári­hana»,  «Sadyhan» sııaqty dári­hanalar jelisi bolsa maskalardyń jetki­likti ekenin, biraq birinde maska 40 teńgeden satylsa, ekinshisinde 15 teńge­den 30 teńgege qymbattaǵanyn bildik.

Shymkent dárihanalaryna da qońyraý shaldyq. Biz habarlasqan «Mýrat Farm», «Zerde», «Abý Ak­bar» jáne «120/80» dárihanalar jeli­siniń barlyǵynda maska bar. Biraq barlyǵy 30-50 teńgege deıin baǵany kótergen. Sondaı-aq kóp dárihana maskany adam basyna shaqtap qana satatynyn aıtýda.

«Ádilet» tutynýshylar quqyǵyn qorǵaý qoǵamy» qoǵamdyq birlestigi tóraǵasynyń orynbasary Tursyn Jaǵyparovamen sóıleskenimizde, qońyraý shal­ǵany­myzda, ol  maska­lar­dyń bar ekenin, baǵalarynda da ózgerister joq­­tyǵyn, bul taqy­ryp boıynsha eshteńe aıtqysy kel­meıtinin baı­qatty.

Bul jaıttan keıin otandyq mas­ka óndirýshilerge habarlasýǵa tý­ra keldi. О́ndirýshi kompanııanyń jaýap­ty qyzmetkerleri eksportty toqtatyp, Densaýlyq saqtaý mı­nıstr­liginiń tapsyrysyn oryndaý úshin jumys istep jatqandaryn jetkizdi. 

«Maskanyń sanyn kóbeıtý boıynsha Densaýlyq saqtaý mınıstrliginiń tapsyrysyn aldyq. Biz 2 mln 30 myń maskaǵa tapsyrys aldyq. Sony da­ıyndap jatyrmyz. 1 mln 100 myń maskany 25 aqpanǵa deıin, qalǵanyn 20 naýryzǵa deıin óndirip berýge keliskenbiz. Budan basqa «Samuryq- Qazynamen» jumys isteımiz. Olarǵa jospar boıynsha aqpannyń 15-ine deıin, ıaǵnı 15 kún ishinde 920 myń maskany daıyndaýymyz kerek. Ádette jylyna jalpy 11 mln mas­ka óndiretin edik. Biz tek qana aýrýhanalarmen jumys isteımiz. Iаǵnı ónimdi «SK-Farmasııaǵa» beremiz. Olar ózderi taratady», deıdi «Dolce» JShS kommersııalyq dırektory Baıan Demeýova.

Alaıda bul kompanııanyń medısı­nalyq maskany artyq óndirýge qaýqary joq kórinedi. «Suranysty qanaǵattandyrýǵa múmkindigimiz shek­teýli. О́ıtkeni bul bizdiń óndi­ristiń qolynan ǵana keletin jumys emes. Shıkizat Qazaqstanda joq. Qy­taımen shekarany jaýyp jatyr. Qazir qalǵan shıkizatpen ǵana ju­mys istep jatyrmyz. Qanshasyna jetedi, sonshasyn óndiremiz. Buryn shetelge shyǵaratynbyz. Qazir eldegi suranysqa baılanysty eksportty toqtattyq», deıdi B.Demeýova.

Ekinshi bir óndirýshige de mınıstr­likten tapsyrys túsip, óndiris kólemin úsh esege deıin arttyrǵan. Basshylyq bergen aqparatynyń jarııalanbaýyn ótingendikten kompanııanyń atyn ataý­­syz qaldyrdyq.

«Biz maskalardy tek qana medısı­nalyq uıymdar úshin satyp alamyz. Jeke aptekalarǵa jetkiz­beı­miz», dedi «SK-Farmasııa» ja­ýap­ker­shiligi shekteýli seriktes­tigi baı­la­nys qyzmetiniń operatory Aı­zada Eshmuhamed. Nur-Sul­tan­daǵy Den­saýlyq saqtaý bas­qar­masy­nyń bas­pasóz qyzmetine habar­las­qa­nymyzda, basqarma qaladaǵy em­hanalar men aýrýhanalardaǵy dáriha­nalardy ǵana qamtıtynyn aıtty.

Qarap otyrsaq, joǵarydan beril­gen tapsyrma bar. О́ndirýshiler qol­­­dan kelgenin istep jatyr. Al dári­­­ha­nalar bolsa maskaǵa jarıtyn túri joq. Bul medısınalyq qural­dyń ózi negizinen qaýipsizdik sharalaryn kózdeıtini belgili. Iаǵnı qaýipti indetten qorǵaný jáne aldyn alý maqsatynda qarapaıym turǵyndar aldymen dárihanalardan suraıdy. Al dárihanalardaǵy jaǵdaıdy birshama aıttyq. Atalǵan jaǵdaı elimizdegi aldyn alý sharalaryna áli de bolsa daıyndyǵymyz solǵyn ekenin kórsetse kerek. Erteń qalyptasqan ahýal ýshyqpas úshin eń áýeli osy máseleni retteýimiz kerek bolar...

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar