Qazaqstan • 04 Aqpan, 2020

E.Dosaev: Koronavırýs indeti eksport kirisiniń azaıýyna áser etýi múmkin

26 retkórsetildi

Búgin Almatyda ótken baspasóz jıynynda  Ulttyq banktiń tóraǵasy Erbolat Dosaev koronavırýsty jaǵdaıdyń ekonomıkaǵa áseri týraly aıtty.

«Koronavırýstyń taralýy týraly jaǵdaı eldiń ortalyq bankteriniń áreketine qalaı áser etýi múmkin?»  degen suraqqa «Eger vırýstyń taralýy ekonomıkalyq prosester men taýar naryqtaryna aıtarlyqtaı áser etse, onda ortalyq bankter shara qoldana bastaıtynyna kúmán joq. Bul vırýstyń taralý yqtımaldyǵyn nemese onyń áser etý dárejesin eshkim aldyn ala baǵalaı almaıtynyn túsiný kerek», - dep jaýap berdi Ulttyq bank basshysy.

Sonymen birge ol koronavırýstyń ekonomıka úshin qaýpi asyra baǵalanady jáne naryq úshin jahandyq saldar bolmaıdy degen pikir bar.

Ulttyń bank tóraǵasynyń túsindirýi boıynsha ár túrli ssenarııler boıynsha daǵdarysqa qarsy josparlar jasaldy. Bizdiń qolymyzda daǵdarysty eńserýdiń tetikteri bar.

«О́tken jyldyń sońynda Úkimetpen birge biz qazirgi jaǵdaıdy eskere otyryp, osy baǵdarlamalardy jańarttyq. Úkimet pen Ulttyq bankte mundaı ssenarıı bar», dedi Erbolat Dosaev.

Sonymen qatar Ulttyq bank basshysy álem ekige bólingenin atap ótti: Bul barynnan bar qubylystyń saıası boıaýy qalyńdap ketti. Ázirge  koronavırýstyq indet jahandyq ekonomıkalyq quldyraýdyń qozǵaýshysy bolady degen pikir basym. Biraq Ulttyq bank tóraǵasynyń pikirinshe, Qytaı úkimeti qysqa merzimde jeńe alady, jaǵdaıdyń asqynyp ketýiniń aldyn alady. 

«Búkil álem lokalızasııany qalaıdy. Bul másele tek qytaılyq problema emes ekenin bárimiz túsinemiz. Álemdik qaýymdastyq, Qytaı ekonomıkasynyń damý turaqtylyǵyna óte múddeli. Búgingi tańda biz úshin qajetti sheshimder qabyldaý úshin máselelerge muqııat baqylaý júrgizý qajet. Koronavırýs máselesi jahandyq quldyraýdy bastaıtyn mańyzdy trıgger emes. Mundaı jaǵdaıda   dúrbeleńge ushyramaı, kútýimiz kerek dep sanaımyn, sodan keıin jaǵdaıdy baǵalaǵannan keıin áreket etemiz. Biz jaǵdaıdy muqııat qadaǵalaıtyn bolamyz. Qytaı bizdiń negizgi saýda seriktesterimizdiń biri bolǵandyqtan, bul eksport kirisiniń azaıýyna áser etýi múmkin. Bul faktordyń áseri qysqa merzimdi bolady dep sanaımyz», dep túıindedi ol.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar