Álem • 04 Aqpan, 2020

Qazaqstan «C5+1» mınıstrlik kezdesýine qatysty

57 retkórsetildi

Syrtqy ister mınıstri Muhtar Tileýberdi «S5+1» mınıstrlik kezdesýine qatysty. Bul formatqa, sondaı-aq, Túrikmenstannyń vıse-premeri – Syrtqy ister mınıstri Rashıd Meredov, Qyrǵyzstan Syrtqy ister mınıstri Chıngız Aıdarbekov, Tájikstan Syrtqy ister mınıstri Sırodjıddın Mýhrıddın, О́zbekstan Syrtqy ister mınıstri Abdýlazız Kamılov jáne AQSh Memlekettik hatshysy Maıkl Pompeo qatysty. Bul týraly Syrtqy ister mınıstrliginiń baspasóz qyzmeti habarlady.

M. Tileýberdi óz sózinde Ortalyq Azııa memleketteriniń óńirlik ózara is-qımylynyń nyǵaıýyna basa nazar aýdaryp, Nur-Sultan men Tashkentte ótkizilgen aımaq elderi kóshbasshylarynyń Konsýltatıvtik kezdesýleriniń joǵary nátıjeliligin erekshe atap ótti. Kezdesýge qatysýshylar ekonomıka, energetıka, qorshaǵan ortany qorǵaý jáne qaýipsizdik salasyndaǵy óńirlik yntymaqtastyqty tereńdetýdiń mańyzdylyǵyn atap ótti.

«AQSh Halyqaralyq damýyn qarjylandyrý korporasııasy Ortalyq Azııaǵa amerıkalyq ınvestısııalardyń aǵynyn jandandyrýǵa kómek kórsete alady. Qazaqstandaǵy Amerıka agenttiginiń seriktesi retinde «Astana» Halyqaralyq qarjy ortalyǵynyń alańyn usynamyz», - dedi M. Tileýberdi.

Mınıstr óńirdiń tranzıttik-kóliktik múmkindikterin damytý qajettiligine, sondaı-aq, qurylatyn Ortalyq Azııa óńirlik energetıkalyq naryǵynyń áleýetine nazar aýdardy. Bul saladaǵy bastamalardy iske asyrý úshin platforma retinde Qazaqstan SIM basshysy Halyqaralyq jasyl tehnologııalar men ınvestısııalyq jobalar ortalyǵyn paıdalanýdy usyndy.

Mınıstrlik kezdesýdiń qorytyndysy boıynsha «C5+1» aımaqtyq kún tártibindegi basym máseleler kórsetilgen birlesken málimdeme qabyldandy.

«S5+1» formaty Ortalyq Azııa men AQSh elderi arasyndaǵy ózara is-qımyldyń óńirlik tetigi bolyp tabylady. 2015 jylǵy 26 qyrkúıekte Nıý-Iorktegi BUU Bas Assambleıasynyń alańynda alty eldiń syrtqy saıası vedomstvolary basshylarynyń kezdesýi ótti. Syrtqy ister mınıstrleri deńgeıinde jeti otyrys ótti.

Sońǵy jańalyqtar

Tarıhta qalǵan indetter

Tarıh • Búgin, 00:40

Uqsas jańalyqtar