Medısına • 04 Aqpan, 2020

«Medısınalyq baqylaýda 33 adam qaldy»: QHR-dan kelgen azamattarǵa monıtorıng jalǵasyp jatyr

29 retkórsetildi

QHR-men shekaralas memleketterden kelgen azamattarǵa monıtorıng júrgizý jalǵasyp jatyr. Máselen, 2020 jyldyń 6 qańtarynan 4 aqpan aralyǵynda elimizge 30 myń 2 adam keldi. Bul týraly Densaýlyq saqtaý mınıstrliginiń baspasóz qyzmeti habarlady.

Densaýlyq saqtaý mınıstrligi Taýarlar men qyzmetterdiń sapasy men qaýipsizdigin baqylaý komıtetiniń sanıtarlyq-karantındik pýnktteriniń mamandary Almaty qalasyndaǵy halyqaralyq áýejaıda 21 myń 439 adamdy, temirjol vokzaldarynda 399 jolaýshyny tekserdi.

JRVI belgilerimen 94 adam kópshilikten oqshaý aýrýhanaǵa jatqyzyldy, onyń 61-i jazylyp shyqty, qazir stasıonarlarda medısınalyq baqylaýda 33 adam qaldy.

Aýrýhanaǵa jatqyzylǵandardyń barlyǵynyń synamasyn qosymsha baqylaý úshin Almatydaǵy Aıqymbaev atyndaǵy asa qaýipti juqpaly aýrýlardyń ulttyq ǵylymı ortalyǵyna jiberildi. Bul ortalyq jańa koronavırýsty PTR-dıagnostıkalaý ádistemesi ıgergen.

Respýblıkada terapııa úshin qajetti dári-dármek pen medısınalyq buıymdar bar, juqpaly aýrýhanalardy oqshaýlaýǵa arnalǵan bokstar, arnaıy dárigerlik jáne orta medısınalyq personal daıyndalǵan.

Aıta ketý kerek, bul jaǵdaı Densaýlyq saqtaý mınıstrliginiń turaqty baqylaýynda.

Resmı aqparatty Densaýlyq saqtaý mınıstrliginiń Feısbýktegi paraqshasynan oqı alasyz jáne kez kelgen suraq boıynsha táýlik boıy jumys isteıtin 1406 baılanys-ortalyǵyna qońyraý shalýǵa bolady.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar