Boks • 04 Aqpan, 2020

Boks: Majarstandaǵy týrnırdi jeńispen bastadyq

244 retkórsetildi

Majarstannyń Debresen qalasynda Ishtvan Bochkaıdy eske alýǵa arnalǵan boksshylardyń dástúrli halyqaralyq týrnıriniń jalaýy jelbiredi.

Jarystyń alǵashqy kúni Qazaqstanyń tórt óreni sharshy alańǵa kóterilip, barlyǵynyń da mereıi ústem boldy. Atap aıtsaq, 57 kılo salmaqtaǵy Aıdos Arapov Botsvanadan kelgen Maıteva Tefony, 75 kılo salmaqtaǵy Ermahan Jaqpekov reseılik Magomed Álimsultanovty jáne 57 kılo salmaqtaǵy áıelder arasyndaǵy saıysta Aıdana Zabynbekova chehııalyq Lenka Bernardovadan basym tústi. Bul básekelerdiń barlyǵynda 5:0 esebi tirkeldi.

Al asa aýyr salmaqtaǵy Damır Toıbaı men majarstandyq Laslo Felfoldı arasyndaǵy jekpe-jek merziminen buryn aıaqtaldy. Birinshi raýnda qandasymyz qarsylasyn nokdaýnǵa jiberdi. Úzilisten keıin dál sol jaǵdaı ana-qatesiz qaıtalandy. Qarsy jaqtyń bapkerleri rıngke aq oramal tastaýǵa májbúr boldy. 

Aldaǵy kúnderi jerlesterimiz esimderi tómende atalǵan bylǵary qolǵap sheberlerimen judyryqtasady:

52 kılo: Mahmýd Sabyrhan  – Nandor Soka (Majarstan)

63 kılo: Sanatáli Tóltaev – Dmıtrıı Asanov (Belarýs)

69 kılo: Talǵat Sháıken – Kapınga Shıpan (Botsvana)

81 kılo: Nurbek Oralbaı – Habreze Mobın (Avstrııa)

91 kılo: Aıbek Oralbaı – Vladıslav Smıaglıkov (Belarýs)

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar