Is-shara «Rýhanı jańǵyrý» baǵdarlamasy jáne «Dala folklory men mýzykasyna myń jyl» arnaıy jobasynyń aıasynda qolǵa alyndy. Onda Abaıdyń shyǵarmashylyǵy men baǵa jetpes murasyn keńinen nasıhattaý, Uly dalanyń danagóıi jáne oıshyly, álemdik mańyzy bar tulǵa Abaı týraly dúnıetanymdy, patrıotızm men azamattyqty tárbıeleý, sonymen birge rýhanı-adamgershilik qundylyqtardy, qazaqstandyq biregeılikti qalyptastyrý is-sharanyń negizgi maqsaty boldy.
Festıvalde aýyldyq jáne aýdannyń talantty ónerpazdary Abaıdyń shyǵarmalaryn birneshe atalym boıynsha sahnaǵa shyǵardy. Olar Abaı atamyzdyń qara sózderin, ánderin, kúılerin, sonymen qatar óleńderin mánerlep oqyp kórermender yqylasyna bólendi. Ásirese, mektep oqýshysy Dınash Shyńǵyshan, kitaphanashy DınaraAmırova, taǵy basqalardyń óneri jurtshylyqty tánti etti.
Festıvalde Abaı shyǵarmalarynan kitap kórmesi uıymdastyryldy.
Qostanaı oblysy,
Áýlıekól aýdany
