Aımaqtar • 04 Aqpan, 2020

Saryaǵashqa 123 myńnan astam týrıst emdik sýdan shıpa izdep kelgen

25 retkórsetildi

Túrkistan óńirindegi Saryaǵash aýdany jemis-jıdegimen de, emdik sýymen de tanymal.

Byltyr emdik sýdan shıpa izdep kelgen týrıster 123 myńnan assa, bıyl olardyń sany 15%-ǵa artady dep kútilýde. Bul maqsatta naqty josparlar bekitilgen.

Búginde aýdanda 40-qa jýyq saýyqtyrý shıpajaıy, balalar shıpajaılary, golf klýbtar men 20-dan astam qonaqúı qyzmet kórsetedi. Sondaı-aq aýdanda aýyl sharýashylyǵy salasy da qarqyndy damyp keledi. Aýdan ákimi Muhıt Otarshıevtiń málimdeýinshe,  byltyr jalpy ónim kólemi 77 mlrd. teńgeden asqan.

Aldaǵy ýaqytta egistik alqaby 65 myń gektarǵa ulǵaıtylyp, jylyjaı sharýashylyǵy men tamshylatyp sýarý ádisin qosymsha 400 gektar jerge jańadan endirý jumystary júrgizilmek. Ásirese, jemis-jıdek ónimderin ósirýdi keńeıtý kózdelýde. Bul derekter Saryaǵash aýdany ákiminiń jyldyq jumys qorytyndysy boıynsha turǵyndarǵa bergen esebinde keltirildi.

Eseptik jıynnan soń oblys basshysy О́mirzaq Shókeev Saryaǵash aýdanynyń turǵyndaryn qabyldap, ótinishterin tyńdady. Aýdan aqsaqaldary aýyzsý jáne sýarmaly sýmen qamtamasyz etý, halyq sanynyń ósýine baılanysty mektep salý sekildi máselelerdi kóterdi. Oblys ákimi ol máseleler boıynsha jaýapty sala jetekshilerine naqty tapsyrmalar berdi.

 

Túrkistan oblysy

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar