Qazaqstan • 04 Aqpan, 2020

600 beınekamera Qazaqstan tasjoldaryn táýlik boıy baqylaıdy

26 retkórsetildi

Aqyly joldarda tólem alý júıesin ornatý jáne qyzmet kórsetýge qatysty ınvestısııalyq joba aıasynda bıyl elimizdiń tasjoldarynda beınebaqylaý kameralary ornatyla bastaıdy. Jalpylaı alǵanda, elimizdiń respýblıkalyq mańyzy bar avtomobıl joldarynyń 11 myń shaqyrymynda 600 beınebaqylaý kamerasy ornatylady dep josparlanýda. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Kameralar el joldaryndaǵy qozǵalysty táýlik boıy baqylaıdy. Tutastaı alǵanda, mundaı qondyrǵylar 2024 jylǵa deıin elimizdegi respýblıkalyq mańyzy bar joldardyń 32 ýchaskesinde paıda bolmaq.

Ázirleýshilerdiń aıtýyna qaraǵanda, esepteý qýattylyǵy men arnaıy baǵdarlamalyq qamtamasyz etý aqparattyń keń kólemin naqty ýaqyt rejıminde óńdeýge múmkindik beredi. Osylaısha, kólik qozǵalysynyń jyldamdyǵy men baǵyty, jeke derekterdi paıdalanýsyz kólik quralynyń tıpi, sondaı-aq, jol jıegimen qozǵalyp kele jatqan jáne memlekettik tirkeý nómirinsiz júrgen avtokólikter anyqtalady. Beıne-baqylaý kameralarynyń basty mindetteriniń biri – belgilenbegen jerde toqtaý, keri baǵytta qozǵalý, qozǵalystyń qarsy jıegimen júrý, jyldamdyq rejımin asyrý sııaqty jolda júrý erejelerin buzýdyń faktilerin tirkeý. Budan bólek, júıe avtomatty rejımde jol trafıginiń mólsherin tirkeýge, kameranyń osine qaramastan kólik quralynyń qozǵalysyn anyqtaýǵa múmkindik beredi.

Joldarda tólem alý júıesi ınfraqurylymnyń keń shoǵyryn usynbaq. Osylaısha, olarǵa stasıonarly baqylaý pýnkti, avtomatty ıdentıfıkasııalaý quraldarynyń apparatty-baǵdarlamalyq kesheni, monıtorıng, derekterdi óńdeý, paıdalanýshylarmen jumys ortalyqtary, sondaı-aq, derekterdi jiberýge arnalǵan baılanys kanaldary jatqyzylady. 

«QazAvtoJol» ulttyq kompanııasy ótken jyldyń jeltoqsanynda respýblıkalyq mańyzy bar avtomobıl joldary arqyly júrip ótý úshin aqy alý júıesin ornatý jáne qyzmet kórsetý boıynsha ınvestısııalyq konkýrstyń qorytyndysyn jarııalaǵanyn eske salaıyq. Onyń qorytyndylaryna sáıkes qazaqstandyq jáne taıvandyq konsorsıýmmen yntymaqtastyq týraly kelisimshartqa qol qoıylǵan bolatyn.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar