Qazaqstan • 04 Aqpan, 2020

200 kásiporyn men fermalarda 230-dan astam sıfrlyq joba engiziledi

29 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda Sıfryq damý, ınnovasııalar jáne aeroǵarysh ónerkásibi mınıstri Asqar Jumaǵalıev Áleýmettik-eńbek salasyn sıfrlandyrý barysyn baıandady.

Azamattar 14 túrli tólemdi eshqaıda barmaı-aq proaktıvti formatta ala alady. Jalpy alǵanda, 2019 jyly sıfrlandyrýdyń áleýmettik-eńbek salasyna áseri 1,5 mlrd teńgege jýyq somany qurady.

2020 jyly taǵy 6 qyzmet proaktıvti formatta usynylatyn bolady jáne kadrlardy qaıta daıyndaý portaly qurylady. Elbasy tarapynan 2018 jyly qoldaý tapqan Smart Data Ukimet jobasyna 5 memlekettik organ qosylyp, olardyń derekqorlaryna taldaý jasaldy.

Sonyń nátıjesinde birqatar ekonomıkalyq model iske asyryldy. Halyqty jumysqa ornalastyrý, tegin dárilik zattardy bólý, «Bolashaq» baǵdarlamasy boıynsha granttar bólý jáne t.b. Osy joba jasandy zerde elementterin paıdalanyp, bıýdjet qarajatyn únemdeýge jol ashty.

Sondaı-aq A. Jumaǵalıev jasandy zerde salasynda jumys bastalǵanyn málimdedi. Ol úshin arnaıy Zań jobasy ázirlendi. Nazarbaev Ýnıversıteti jáne Dúnıejúzilik bankpen birge Instıtýt qurylyp, baǵdarlama jasalýda.

«Memlekettik organdarmen birlesip, biz 2020 jyl ishinde osy joba aıasynda jumys isteıtin bolamyz. Bul jańa ekonomıkalyq modelderdi qurýǵa múmkindik beredi. Jasandy zerde tehnologııasy bar Smart Data Ukimet jobasy 180 mlrd teńgeden astam somaǵa janama áser berýge múmkindik beredi», — dep atap ótti mınıstr.

Ekonomıkanyń naqty sektoryna elimizde erekshe mán beriledi. Osy rette «Ekonomıka salalaryn sıfrlandyrý» baǵyty boıynsha otyn-energetıka, ónerkásip jáne aýyl sharýashylyǵy sektorlaryn sıfrlandyrýdyń jıyntyq áseri 92,4 mlrd teńgeni qurady. 200 kásiporyn men fermalarda 230-dan astam sıfrlyq joba engizilýde.

Bul turǵydan «Samruq-Qazyna» ulttyq ál-aýqat qorynyń quramyna kiretin kompanııalar jaqsy nátıjelerge qol jetkizdi.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar